कोभिड–१९ को सङ्क्रमणसम्बन्धी दैनिक अपडेट (फागुन ३ गते)

  ०७८ फागुन ३ गते

फागुन ३ गते ४ सय ९८ जनामा कोभिड-१९ को सङ्क्रमण पुष्टि भएसँगै सङ्क्रमितको सङ्ख्या ९ लाख ७४ हजार ३४ पुगेको स्वास्थ्य तथा जनसङ्ख्या मन्त्रालयले जनाएको छ । फागुन ३ गते परीक्षण गरिएकामध्ये १२ प्रतिशतमा कोभिड पुष्टि भएको भएपनि समग्रमा परीक्षण गरिएकामध्ये १८.२ प्रतिशतमा सङ्क्रमण पुष्टि भएको छ । गत २४ घण्टामा ४ हजार २ सय ५६ ओटा स्वाब पिसिआर परीक्षणका लागि सङ्कलन गरेको पनि मन्त्रालयले जनाएको छ । सङ्क्रमितमध्ये ९ लाख ४२ हजार ७ सय ३७ जना निको भएका छन् । फागुन ३ गते १ हजार ८ सय ३५ जना निको भएका छन् भने निको हुनेको दर ९६.८ प्रतिशत रहेको मन्त्रालयले जनाएको छ । फागुन ३ गतेसम्म ११ हजार ९ सय २ जना कोभिड सङ्क्रमितको मृत्यु भएको मन्त्रालयले जनाएको छ । फागुन ३ गते दुई जना कोभिड सङ्क्रमितको मृत्यु भएको मन्त्रालयले जनाएको छ । सक्रिय सङ्क्रमितको सङ्ख्या १९ हजार ४ सय रहेको छ ।

मन्त्रालयका अनुसार फागुन ३ गते २ हजार ८ सय ३९ ओटा स्वाब एण्टिजेन विधिबाट परीक्षण गरेकामा १ सय ८२ जनालाई कोभिड पुष्टि भएको छ । फागुन ३ गतेसम्म एण्टिजेन परीक्षणबाट १ लाख ३७ हजार ८ सय ५९ जनामा कोभिड पोजेटिभ पुष्टि भएको छ । यो सङ्ख्यामा उपचार, निको र कूल सङ्क्रमितमा जोडिएको भने पाइँदैन । फागुन ३ गतेसम्म १ करोड ६५ लाख ४९ हजार ४ सय ८९ जनालाई पुर्ण खोप लगाइएको मन्त्रालयले जनाएको छ । मन्त्रालयका अनुसार मोरङ, सुनसरी, धनुषा, काठमाडौँ, ललितपुर, भक्तपुर, चितवन, कास्की, बाँके र कैलालीमा सक्रिय सङ्क्रमित ५ सयभन्दा बढी छन् ।

तनहुँ प्रतिनिधि प्रकाशचन्द्र भटटराईका अनुसार जिल्लाका २९ हजार १ सय ६० बालबालिकालाई कोभिड–१९ विरुद्धको मोर्डना खोपको पुरा मात्रा दिइएको छ । स्वास्थ्य कार्यालय तनहुँका अनुसार पहिलो मात्रा खोप लगाउने बालबालिकाको सङख्या ३४ हजार ४ सय ३ रहेको छ ।  स्वास्थ्य कार्यालय तनहुँका सूचना अधिकारी शङ्करबाबु अधिकारीका अनुसार तनहुँमा व्यास नगरपालिकाका ७ हजार ६ सय ५१, शुक्लागन्डकी नगरपालिकाका ५ हजार ६ सय, भानु नगरपालिकाका ३ हजार ३९ र भिमाद नगरपालिकाका २ हजार ७ सय बालबालिकाले खोपको पुरा पात्रा पाएका छन् ।  त्यस्तै आबुँखैरेनी गाउँपालिकाका २ हजार ३ सय ७९, ऋषिङ गाउँपालिकाका २ हजार २१, बन्दिपुर गाउँपालिकाका १ हजार ७ सय ४, देवघाटका १ हजार ४ सय ५४, म्याग्दे गाउँपालिकाका १ हजार ४ सय र घिरिङ गाउँपालिकाका १ हजार २ सय ८ बालबालिकाले खोपको पुरा मात्रा प्राप्त गरेको अधिकारीले जानकारी दिनुभयो ।


अनलाइन डेस्क