कोभिड–१९ को सङ्क्रमणसम्बन्धी दैनिक अपडेट (असोज ३० गते)

  ०७८ असोज  ३०  गते 

असोज ३० गते १ सय ३६ जनामा कोभिड–१९ को सङ्क्रमण पुष्टि भएसँगै सङ्क्रमितको सङ्ख्या ८ लाख ४ हजार ६ सय ५२ पुगेको स्वास्थ्य तथा जनसङ्ख्या मन्त्रालयले जनाएको छ । असोज ३० गते परीक्षण गरिएकामध्ये नौ प्रतिशतमा कोभिड पुष्टि भएको भएपनि समग्रमा परीक्षण गरिएकामध्ये १८.७ प्रतिशतमा सङ्क्रमण पुष्टि भएको छ । गत २४ घण्टामा १ हजार ४ सय ४६ ओटा स्वाब पिसिआर परीक्षणका लागि सङ्कलन गरेको पनि मन्त्रालयले जनाएको छ । सङ्क्रमितमध्ये ७ लाख ८० हजार ७ सय ७६ जना निको भएका छन् । असोज ३० गते ८ सय ४५ जना निको भएका छन् भने निको हुनेको दर ९७.०३ प्रतिशत रहेको मन्त्रालयले जनाएको छ । असोज ३० गतेसम्म ११ हजार २ सय ७८ जना कोभिड सङ्क्रमितको मृत्यु भएको मन्त्रालयले जनाएको छ । असोज ३० गते एक जना सङ्क्रमितको मृत्यु भएको मन्त्रालयले जनाएको छ । सक्रिय सङ्क्रमितको सङ्ख्या १२ हजार ५ सय ९८ रहेको छ ।

स्वास्थ्य मन्त्रालयका अनुसार असोज ३० गते ३ सय २७ ओटा स्वाब एण्टिजेन विधिबाट परीक्षण गरेकामा ११ जनालाई कोभिड पुष्टि भएको छ ।  असोज ३० गतेसम्म एण्टिजेन परीक्षणबाट ९३ हजार ३ सय ५६ जनामा कोभिड पोजेटिभ पुष्टि भएको छ । यो सङ्ख्यामा उपचार, निको र कूल सङ्क्रमितमा जोडिएको भने पाइँदैन । मन्त्रालयका अनुसार असोज २८ गतेसम्म ६४ लाख ६९ हजार १ सय ५९ जनाले पूर्ण खोप पाइसकेका छन् । असोज २९ गते र ३० गते कसैलाई पनि खोप नलगाइएको मन्त्रालयले जनाएको छ । मन्त्रालयका अनुसार काठमाडौँ, ललितपुर, भक्तपुर र कास्कीमा सक्रिय सङ्क्रमित ५ सयभन्दा बढी रहेका छन् ।


अनलाइन डेस्क