कोभिड–१९ को सङ्क्रमणसम्बन्धी दैनिक अपडेट (वैशाख ६ गते)

 

वैशाख ६ गते १ हजार २ सय २७ जनामा कोभिड–१९ को सङ्क्रमण पुष्टि भएसँगै सङ्क्रमितको सङ्ख्या २ लाख ८५ हजार ९ सय पुगेको स्वास्थ्य तथा जनसङ्ख्या मन्त्रालयले जनाएको छ ।

गत २४ घण्टामा ७ हजार १ ओटा नमूना परीक्षण गरेको पनि मन्त्रालयले जनाएको छ । सङ्क्रमितमध्ये २ लाख ७५ हजार ५ सय ५५ जना निको भएका छन् ।

वैशाख ६ गते २ सय ५५ जना निको भएका छन् भने निको हुनेको दर ९६.४ प्रतिशत रहेको मन्त्रालयले जनाएको छ । वैशाख ६ गतेसम्म ३ हजार ९१ जना कोभिड सङ्क्रमितको मृत्यु भएको मन्त्रालयले जनाएको छ ।

आइसोलेशनमा पुष्टि भएका केसहरूको सङ्ख्या भनी सङ्क्रमितको सङ्ख्या ७ हजार २ सय ५४ देखाइएको छ ।

कोभिड-१९ महामारीको दोस्रो लहर सुरु भएको भन्दै सरकारले फेरि प्रतिबन्धात्मक व्यवस्थाहरु लागू गरेको छ ।

वैशाख ६ गते बसेको मन्त्रिपरिषद बैठकले नेपालमा कोभिड–१९ को नयाँ भेरियन्टसहितको सङ्क्रमण बढेको भन्दै जनस्वास्थ्यको मापदण्ड पालनामा कडाइ र भिडभाड हुने क्षेत्रमा नियन्त्रणमुखी व्यवस्था लागु गरेको हो ।

सरकारका प्रवक्ता सञ्चार तथा सूचना प्रविधिमन्त्री पार्वत गुरुङले सङ्क्रामक रोग ऐन २०२० को दफा २ ले दिएको अधिकार प्रयोग गरी सरकारले आदेश जारी गरेको बताउनु भएको छ ।

आदेशमा मेला, महोत्सव, जात्रा, पर्व, विवाह, न्वारान, पास्नी, ब्रतबन्ध, धार्मिक अनुष्ठान मलामीलगायत अत्यावश्यक परम्परागत धार्मिक तथा सांस्कृतिक काममा २५ जना भन्दा बढी सहभागी हुन नपाउने व्यवस्था गरिएको छ ।

उल्लिखित स्थानीय तहका विद्यालय बन्द गर्न मन्त्री परिषदले आदेश जारी गरेको छ ।

क्रसं प्रदेश जिल्ला स्थानीय तह
१ १ मोरङ विराटनगर महानगरपालिका
२ सुनसरी इटहरी उपमहानगरपालिका
३ सुनसरी धरान उपमहानगरपालिका
४ झापा मेचीनगर नगरपालिका
५ झापा विर्तामोड नगरपालिका
६ झापा दमक नगरपालिका
७ २ पर्सा वीरगंज महानगरपालिका
८ धनुषा जनकपुरधाम उपमहानगरपालिका
९ सप्तरी राजविराज नगरपालिका
१० बागमती काठमाडौँ काठमाडौँ महानगरपालिका
११ ललितपुर ललितपुर महानगरपालिका
१२ काठमाडौँ दक्षिणकाली नगरपालिका
१३ काठमाडौँ किर्तिपुर नगरपालिका
१४ काठमाडौँ चन्द्रागिरी नगरपालिका
१५ काठमाडौँ नागार्जुन नगरपालिका
१६ काठमाडौँ तारकेश्वर नगरपालिका
१७ काठमाडौँ टोखा नगरपालिका
१८ काठमाडौँ बुढानिलकण्ठ नगरपालिका
१९ काठमाडौँ गोकर्णेश्वर नगरपालिका
२० काठमाडौँ कागेश्वरी मनहरा नगरपालिका
२१ काठमाडौँ शङ्खरापुर नगरपालिका
२२ ललितपुर महालक्ष्मी नगरपालिका
२३ ललितपुर गोदावरी नगरपालिका
२४ भक्तपुर मध्यपुर थिमी नगरपालिका
२५ भक्तपुर भक्तपुर नगरपालिका
२६ भक्तपुर चाँगुनारायण नगरपालिका
२७ भक्तपुर सुर्यविनायक नगरपालिका
२८ मकवानपुर हेटौँडा उपमहानगरपालिका
२९ चितवन भरतपुर महानगरपालिका
३० काभ्रेपलाञ्चोक धुलिखेल नगरपालिका
३१ काभ्रेपलाञ्चोक बनेपा नगरपालिका
३२ गण्डकी कास्की पोखरा महानगरपालिका
३३ लुम्बिनी रुपन्देही बुटवल उपमहानगरपालिका
३४ दाङ घोराही उपमहानगरपालिका
३५ दाङ तुलसीपुर उपमहानगरपालिका
३६ बाँके नेपालगञ्ज उपमहानगरपालिका
३७ रुपन्देही सिद्धार्थनगर नगरपालिका
३८ कर्णाली सुर्खेत वीरेन्द्रनगर नगरपालिका
३९ सुदूरपश्चिम कैलाली धनगढी उपमहानगरपालिका
४० कञ्चनपुर भीमदत्तनगर नगरपालिका

यी स्थानीय तहमा भौतिक रुपमा विद्यार्थी उपस्थित हुन पाउने छैनन् र वैकल्पिक विधिबाट शैक्षिक गतिविधि सञ्चालन गर्नुपर्नेछ ।

विद्यालय बन्द गरे पनि विद्यालय र कलेजका पूर्व निर्धारित परीक्षा र चिकित्सा शिक्षाका प्रयोगात्मक परीक्षा भने नरोकिने सरकारका प्रवक्तासमेत रहेका मन्त्री गुरुङले बताए ।

वैशाख मसान्तसम्म सिनेमा हल, पार्टी प्यालेस, डान्सबार, दोहोरी नाचघर, हेल्थ क्लब, जिमखाना, स्वीमिङपुल, फुटसल, आमसभा, जुलुस, हाटबजार, रङ्गशालामा हुने दर्शकसहितको खेलकुद र मानिसको भिडभाड हुने सबै कार्यक्रम बन्द गरिएको छ ।

त्यस्तै मठ मन्दिर, मस्जिद, चर्च, गुम्बाजस्ता धार्मिकस्थलमा वैशाख मशान्तसम्म नित्यपूजा मात्र सञ्चालन गरिने भएको छ ।

हेर्नुहोस् मन्त्रिपरिषदले जारी  गरेको आदेश

सल्यान प्रतिनिधि मीना बुढाथोकीका अनुसार शारदा नगरपालिका–८ मार्के स्थित त्रिभुवन जनता माविमा विद्यार्थीलाइ कोभिड सङ्क्रमण पुष्टि भएपछि सो विद्यालय एक साताका लागि बन्द गरिएको छ । विद्यालयमा अध्यनरत अन्य विद्यार्थीहरूमा जोखिम बढ्ने भन्दै विद्यालय बन्द गरिएको प्रधानाध्यापक दलबहादुर बिकले जानकारी दिनुभयो । विद्यालय व्यवस्थापन समितिको निर्णय अनुसार सूचना प्रकाशन गरेर वैशाख ५गतेदेखि  ११ गतेसम्म विद्यालय बन्द गरिएको हो ।

बैतडी प्रतिनिधि नरी बडुका अनुसार बैतडीको तल्लोस्वराड क्षेत्रमा रहेको मेलौली नगरपालिकाका विद्यालयहरु बन्द गरिएका छन् । वैशाख ४ गते वडा नम्बर ७ तोल्या गाउँमा एक जनालाई कोभिडको सङ्क्रमण देखिएपछि वैशाख १४ गतेसम्मका लागि विद्यालय बन्द गरिएका हुन् । वैशाख ५ गते बसेको नगरपालिकाको कोरोना व्यवस्थापन समितिको बैठकले विद्यालय बन्दसँगै तोल्या क्षेत्र अर्को सूचना जारी नभएसम्मको लागि सिल गरिएको नगरपालिकाका शिक्षा शाखा प्रमुख हरिशप्रकाश भट्टले बताउनुभयो । यो नगरपालिकामा ४६ सामुदायिक र दुई ओटा संस्थागत गरी ४८ ओटा विद्यालय रहेका छन् ।

एक वर्षअघि

स्वास्थ्य तथा जनसङ्ख्या मन्त्रालयले ०७७ वैशाख ६ गते  सम्म ३१ जनामा कोभिड-१९ पुष्टि भएको थियो ।

कोरोना भाइरसको सङ्क्रमणसम्बन्धी दैनिक अपडेट ( ०७७ वैशाख ६ गते)


अनलाइन डेस्क