कोभिड–१९ को सङ्क्रमणसम्बन्धी दैनिक अपडेट (चैत २४ गते)

 

चैत २४ गते २ सय ६० जनामा कोभिड–१९ को सङ्क्रमण पुष्टि भएसँगै सङ्क्रमितको सङ्ख्या २ लाख ७८ हजार ४ सय ७० पुगेको स्वास्थ्य तथा जनसङ्ख्या मन्त्रालयले जनाएको छ ।

गत २४ घण्टामा ४ हजार २ सय ४३ ओटा नमूना परीक्षण गरेको पनि मन्त्रालयले जनाएको छ । सङ्क्रमितमध्ये २ लाख ७३ हजार ४ सय ५५ जना निको भएका छन् ।

चैत २४ गते १ सय १३ जना निको भएका छन् भने निको हुनेको दर ९८.२ प्रतिशत रहेको मन्त्रालयले जनाएको छ । चैत २४ गतेसम्म ३ हजार ३६ जना कोभिड सङ्क्रमितको मृत्यु भएको मन्त्रालयले जनाएको छ ।

आइसोलेशनमा पुष्टि भएका केसहरूको सङ्ख्या भनी सङ्क्रमितको सङ्ख्या १ हजार ९ सय ७९ देखाइएको छ ।

चीनबाट अनुदानमा ल्याइएको कोभिड-१९ विरुद्धको भेरोसेल खोप चैत २५ गतेदेखि लगाउने गरी तयारी गरिएको स्वास्थ्य तथा जनसङ्ख्या मन्त्रालयले जनाएको छ ।

खोप लगाउन मन्त्रालयले तोकेका केन्द्र 

क्रसं जिल्ला अस्पतालको नाम
१ काठमाडौँ वीर अस्पताल
२ परोपकार प्रसूति तथा स्त्रीरोग अस्पताल थापाथली
३ शुक्रराज ट्रपिकल तथा सरुवा रोग अस्पताल टेकु
४ निजामती कर्मचारी अस्पताल मिनभवन
५ राष्ट्रय आयुर्वेद अनुसन्धान तथा तालिम केन्द्र किर्तिपुर
६ नेपाल मेडिकल कलेज अत्तरखेल
७ काठमाडौँ मेडिकल कलेज सिनामङ्गल
८ त्रिवि शिक्षण अस्पताल महाराजगञ्ज
९ सहिद गङ्गालाल राष्ट्रिय हृदय केन्द्र बाँसवारी
१० वीरेन्द्र अस्पताल छाउनी
११ नेपाल सशस्त्र प्रहरी अस्पताल बलम्बु
१२ नेपाल प्रहरी अस्पताल पानीपोखरी
१३ ओम अस्पताल चाबहिल
१४ क्षेत्रपाटी नि:शुल्क चिकित्सालय क्षेत्रपाटी
१५ भक्तपुर भक्तपुर नेपाल कोरिया मैत्री अस्पताल ठिमी
१६ भक्तपुर अस्पताल
१७ ललितपुर पाटन स्वास्थ्य विज्ञान प्रतिष्ठान पाटन
१८ किष्ट मेडिकल कलेज ललितपुर
१९ आनन्दवन अस्पताल ललितपुर
२० काभ्रेपलाञ्चोक धुलिखेल अस्पताल
२१ नुवाकोट त्रिशुली अस्पताल
२२ सिन्धुपाल्चोक बाह्रविसे अस्पताल
२३ रसुवा रसुवा जिल्ला अस्पताल

अनलाइन डेस्क