समाचारहरू

जिल्ला कारागार इलाममा कैद सजाय भुक्तान गरिरहेका इलाम नपा-४ का ३५ वर्षीय राजकुमार खाती भदौ १६ गते बिहान कारगारमै झुण्डिई मृत अवस्थामा फेला परेका छन् । प्रहरीले खातीले झुण्डिएर आत्महत्या गरेको जनाएको छ ।

चोरी मुद्दामा जेल सजाय भुक्तान गर्दै आएका खातीलाई बिहान शौचालयको भेन्टिलेशनमा डोरी लगाएर झुण्डिएको अवस्थामा मृत भेट्टाइएको कारागारका निमित्त प्रमुख सिर्जना लुईंटेलले जानकारी दिइन् ।

खाती ०७० साल साउनमा कारागार चलान भएका थिए । उनको कैद अवधि ०७६ सालसम्मको रहेको निमित्त प्रमुख लुईंटेलले जानकारी दिइन् । खातीको शवको पोष्टमार्टमका लागि जिल्ला अस्पतामा राखिएको जिल्ला प्रहरी कार्यालयका इन्स्पेक्टर रुद्र चुडालले जानकारी दिए ।

कोकिला ढकाल