समाचारहरू

गोरखा फुजेलका कृष्णप्रसाद अधिकारीको हत्यासम्बन्धी मुद्दाको पेशी साउन २० गतेलाई तोकिएको छ । चितवन अदालतका सूचना अधिकारी केशव पौडेलका अनुसार जेठ २० गते आइतबार न्यायाधीश कुलप्रसाद शर्माको इजलासले ०७५ साउन २० गतेका लागि पेशी चढेको जानकारी दिए ।

यसअघि चितवन अदातले वयानका लागि उपस्थित हुन मुख्य जाहेरवाला नुरप्रसाद अधिकारीलाई पत्राचार गरेको थियो । तर, उनी हालसम्म अदालतमा उपस्थित भएका छैनन् ।

बिसं २०६१ जेठ २४ गते आफ्नो छोराको हत्या भएको भन्दै कृष्णप्रसादका बुवा नन्दप्रसाद अधिकारीले जिल्ला प्रहरी कार्यालय, चितवनमा जाहेरी दिएका थिए । त्यसको १ वर्ष ६ महिनापछि कृष्णप्रसादका दाजु नुरप्रसादले १३ जनाविरुद्ध किटानी जाहेरी दिएका थिए । अधिकारीको २०६१ जेठ २४ गते अपहरण पछि हत्या भएको थियो ।

दिपेन्द्र अधिकारी