कुटपिट तथा घरेलु हिंसा घटनाका आरोपितहरू विरुद्ध उजुरी

  ०८० असोज ८ गते

सम्सी गाउँपालिका–२ की २२ वर्षीया प्रियंका कुमारी साहले पति सहित परिवारका अन्य सदस्यहरू समेतले गालीगलौज, कुटपिट तथा घरेलु हिंसा गरेको आरोपमा ०८० असोज ६ गते जिल्ला प्रहरी कार्यालयको महिला, बालबालिका तथा ज्येष्ठ नागरिक सेवा केन्द्रमा उजुरी दिनु भयो ।

पीडितका अनुसार आफूले तीन ओटी छोरीको मात्र जन्म दिएको र फेरी पनि छोरी नै जन्मने भन्दै आरोपितहरू ३० वर्षीय पति रामसागर साह, जेठाजुहरू ५५ वर्षीय रामजुगुत साह र ५० वर्षीय रामइश्वर साह र २५ वर्षीय भतिजो रोशन साहले ०८० असोज ६ गते गालीगलौज, कुटपिट तथा घरेलु हिंसा गरेको बताउनु भयो ।

आरोपित ज्वाइले अर्को विवाह गर्ने धम्की दिनुका साथै छोरीको औषधि उपचारमा सामेत बेवास्ता गरी छोरीलाई माइतीमै बस्न बाध्य पारेको पीडितकी ४३ वर्षीया आमा अनिता देवीको आरोप छ । साथै कुटपिटका कारण पीडितको गर्भपतन भएको उहाँको आरोप रहेको जिल्ला प्रहरी कार्यालय महिला, बालबालिका तथा ज्येष्ठ नागरिक सेवा केन्द्रकी असई रुपा सापकोटाले जानकारी दिनु भयो । घटना बारे सत्य तथ्य बुझ्न पीडित र आरोपित दुबै पक्षलाई असोज १० जिल्ला प्रहरी कार्यालयमा बोलाइएको आसई रुपा सापकोटाले जानकारी दिनु भयो ।

पीडितको सामान्य उपचार असोज ८ गते जलेश्वरनाथ पोलिक्लिनिक जलेश्वरमा भएको डा. श्याम साहले बताउनु भयो ।


ममता विश्वकर्मा