कुटपिट घटनाका आरोपित विरुद्ध उजुरी दर्ता

  ०८१ मङ्सिर २६ गते

सिमकोट गाउँपालिका–२ घर भई नेपाली कांग्रेस पार्टीका वडा सभापति ३६ वर्षीय गोर्ख बोहरालाई कुटपिट गरेको भन्दै सिमकोट गाउँपालिका–१ का वडा सदस्य ३८ वर्षीया पेमा लामा र सोही ठाउँकी २३ वर्षीया मिलनदेवी लामा विरुद्ध पीडित पक्षले ०८१ मङ्सिर २५ गते जिल्ला प्रहरी कार्यालयमा उजुरी दर्ता भएको छ ।

बोहराले मङ्सिर २४ गते आफूले दिएको रकम फिर्ता माग्न जाँदा दुवै आरोपितले सामान्य विवाद भएको थियो । सोही विषयलाई लिएर मङ्सिर २५ गते छलफलका क्रममा घाइते हुने गरी कुटपिट गरेपछि प्रहरीमा उजुरी गर्न बाध्य भएको पीडित बोहराकी पत्नी लुड्की बोहराको भनाइ छ ।

उक्त विषयमा इन्स्पेक्टर सरोज कडेलका अनुसार कुटपिट भएको विषयमा उजुरी आएकोले अनुसन्धान गरिने छ । कुटपिटबाट घाइते भएका वडा सभापतिको जिल्ला अस्पतालमा उपचार भइरहेको जिल्ला अस्पतालका सिनियर अनमी सरिता बोहराले बताउनु भयो ।


नन्द सिंह