समाचारहरू

सानीभेरी गाउँपालिकामा कार्यरत इन्जिनियर ३० वर्षीय रमेश लम्साललाई  कुटपिट गरेको आरोपमा प्रहरीले नेकपा माओवादी केन्द्रको भातृ संगठन वाईसीयलका सदस्य सानीभेरी गाउँपालिका – ३ का ३१ वर्षीय गोविन्द वलीलाई असार २७ गते गिरफ्तार गरेको छ ।

गाउँपालिकामा कार्यरत इन्जिनियर लम्साललाई योजनाको मूल्याङ्कन कम गरेको भन्दै कुटपिट गरेको गाउँपालिकाका प्रमुख प्रशासकीय अधिकृत दिपक बुढाथोकीले जानकारी दिनुभयो ।

कर्णाली प्रदेश पूर्वाधार विकास अन्र्तगत रंगशाला निर्माणका लागि ५० लाख रुपियाँ छुट्याइएको र मूल्याङ्कन ३६ लाख बराबर गरेपछि इन्जिनियरमाथि कुटपिट भएको प्रमुख प्रशासकीय अधिकृत बुढाथोकीले बताउनु भयो ।

इन्जिनियरमाथि हातपात भएको भन्दै जिल्ला प्रहरी कार्यालयमा जानकारी आएपछि आरोपितलाई सोधपुछका जिल्ला प्रहरी कार्यालायमा ल्याएको हो । दुबै  पक्षसँग  छलफल गरेर मात्र कानुनी प्रक्रिया अगाडि बढाउने जिल्ला प्रहरी कार्यालयका प्रमुख डिएसपी नमराज भट्टराईले जानकारी दिनुभयो

मनिषा केसी