कुटपिट घटनाका आरोपितविरूद्ध उजुरी

ईश्वरपुर नपा–१२ को नेपाल राष्ट्रिय जनता माधयमिक विद्यालयका शिक्षक ३२ वर्षीय जीवन शङ्कर साहलाई असोज २४ गते सोही वडाका नेपाली कांग्रेसका कार्यकर्ता ३४ वर्षीय नागेन्द्र पाख्रिनले कुटपिट गरेको आरोपमा पीडितले कात्तिक ५ गते इलाका प्रहरी कार्यालय केशरगञ्जमा लिखित उजुरी दिनु भएको छ ।

दशैँको अवसरमा असोज २४ गते ईश्वरपुर नपा–१२ का सन्तोष पुलामीले आयोजना गर्नु भएको शुभकामना आदान–प्रदान कार्यक्रममा पाख्रिनले कुटपिट गर्दै मार्ने धम्की दिएको पीडितको आरोप छ ।

कुटपिटबाट घाइते हुनुभएका साहको उपचार असोज २६ गतेदेखि ईश्वरपुरको अस्पतालमा गरी असोज २८ गते थप उपचारका लागि वीरगंजको नेशनल हस्पिटलमा गरिएको थियो ।

‘उजुरी दिने बित्तिकै दर्ता गर्ने भन्ने हुँदैन । शिक्षक जीवन शङ्कर साहलाई अन्याय भएको रहेछ भने उहाँले न्याय पाउनु हुन्छ । उजुरीपछि आरोपितलाई झिकाएर अनुसन्धान प्रकृया अगाडि बढाइएको छ ।’–इलाका प्रहरी कार्यालय ईश्वरपुर केशरगञ्जका इन्स्पेक्टर जनकराज ढुङ्गानाले बताउनु भयो ।


बुधन साह