समाचारहरू

ईश्वरपुर नगरपालिका-१२ का नेपाल राष्ट्रिय जनता माध्यमिक विद्यालयका शिक्षक ३३ वर्षीय रामदिनेश यादवलाई ०८१ वैशाख २८ गते सोही वडाका नेपाली कांग्रेसका कार्यकर्ता ३४ वर्षीय सविन पाख्रिनले कुटपिट गरेको आरोपमा पीडित शिक्षकले जेठ १३ गते इलाका प्रहरी कार्यालय केशरगञ्जमा उजुरी दिनु भएको छ ।

नयाँ वर्ष २०८१ को अवसरमा वैशाख २७ गते ईश्वरपुर नगरपालिका वडा नं १२ का विजय साहीले आयोजना गरेकाे शुभकामना आदान-प्रदान कार्यक्रममा आराेपित पाख्रिनले कुटपिट गर्नुका साथै ज्यान मार्ने धम्की समेत दिएको पीडितको आरोप रहेको छ ।

कुटपिटबाट घाइते भएका यादवको उपचार वैशाख २८ गतेदेखि २९ गतेसम्म ईश्वरपुरस्थित स्थानीय स्वास्थ्य केन्द्रमा भयो भने थप उपचार जेठ २ गते वीरगंजको नेशनल अस्पतालमा भयो ।

उजुरीपश्चात आरोपित फरार रहेको इलाका प्रहरी कार्यालय ईश्वरपुर केशरगञ्जका इन्स्पेक्टर रामप्रवेश यादवले जानकारी दिनु भयो ।

बुधन साह