समाचारहरू

एच.आई.भी सङ्क्रमित २६ वर्षीया महिला र ४८ वर्षीय पुरुषलाई निजका ५० वर्षीय दाजु र ४८ वर्षीया भाउजुले कुटपिट, गालीगलौज र दुर्व्यवहार गरेको भन्दै ०८१ वैशाख २६ गते पीडितहरूले जिल्ला प्रहरी कार्यालयमा उजुरी दिनु भएको छ ।

एच.आई.भी सङ्क्रमित पीडितहरू पति पत्नी हुन् ।

एच.आई.भी सङ्क्रमित भएकै कारण आरोपितहरूले वैशाख २४ गते मेरो पतिलाई “तँ पापी, तैले गर्दा हामीलाई पनि रोग सर्छ, तँ मरिहाल, तँ चाँडै मर”, भन्दै दुर्व्यवहार गर्नुको साथै गालीगलौज र कुटपिट समेत गरेको पीडितले बताउनु भयो ।

त्यस्तै, आरोपितहरूले “मेरो नौ महिनाको छोरा र १४ वर्षीया छोरीलाई समेत कुटपिट गरेको” उहाँले बताउनु भयो ।

घटना बारे अनुसन्धान भइरहेको जिल्ला प्रहरी कार्यालयका इन्स्पेक्टर लोकनाथ खनालले जानकारी दिनु भयो ।

ममता विश्वकर्मा