समाचारहरू

घोराही उपमहानगरपालिका-८ की ५० वर्षीया प्यारी चौधरीको कुटपिट गरी हत्या गरेको आरोपमा सोही ठाउँका ४६ वर्षीय बालाराम चौधरीलाई प्रहरीले ०८१ असार ५ गते गिरफ्तार गरेको छ ।

पीडित महिलालाई आरोपितले सधैँ गालीगलौज गर्ने गरेको र जेठ १७ गते मादक पदार्थ सेवन गरेर कुटपिट गरी हत्या गरेको भन्दै पीडित पक्षले जेठ १८ गते जिल्ला प्रहरी कार्यालयमा उजुरी दिएको थियो । पीडित पक्षले दिएको सोही उजुरीको आधारमा आरोपितलाई गिरफ्तार गरी थप अनुसन्धान गरिरहेको जिल्ला प्रहरी कार्यालयका एसपी रामबहादुर केसीले इन्सेकलाई जानकारी दिनुभयो ।

शवको पोष्टमार्टम जेठ १८ गते नेपालगञ्जस्थित भेरी अस्पतालमा भयो । पीडित परिवारले जेठ १९ गते शव बुझी सोही दिन सद्गत गरेका थिए ।

जयनारायण पुन