समाचारहरू

सरुमारानी गाउँपालिका-४ की ३० वर्षीया हरिकला बुढाथोकीलाई कुटपिट गरी हत्या गरेको आरोपमा सोही ठाउँकी ६७ वर्षीया हुमीकुमारी सारु, ७५ वर्षीया दिलीसरादेवी सोमै, ४० वर्षीया सितादेवी पुलामी, ३९ वर्षीया झगिसरा पुलामी र ४९ वर्षीया पुतलीदेवी नेपालीलाई प्रहरीले ०८१ वैशाख १३ गते गिरफ्तार गरेको छ ।

जिल्ला प्रहरी कार्यालयका डिएसपी इश्वर थापाका अनुसार मृतक हरिकला बुढाथोकीले अबैध सम्बन्धबाट बच्चा जन्माएको भन्दै आरोपितहरूले ०६३ असोज ९ गते कुटपिट गरेका थिए । उक्त कुटपिटबाट गम्भीर घाइते पीडितको उपचारको क्रममा असोज १२ गते रुपन्देहीको बुटवल अञ्चल अस्पतालमा मृत्यु भएको थियो । आरोपितहरू विरुद्ध पीडित पक्षले असोज १२ गते जिल्ला प्रहरी कार्यालयमा उजुरी दिएको थियो ।

शवको पोष्टमार्टम ०६३ असोज १३ गते रुपन्देहीको बुटवल अञ्चल अस्पतालमा गरी परिवारको जिम्मा लागाएको थियो । पीडित परिवारले शव बुझी सोही दिन सदगत् गरेका थिए ।

घटनामा संलग्न मध्य एक जना आरोपित हिमाकुमारी रानाको मृत्यु भएको र हरिकला बुढाथोकीले जन्माएको शिशुको पनि ०६३ असोज १० गते मृत्यु भएको खुल्न आएको डिएसपी थापाले जानकारी दिनुभयो ।

रविन्द्र पाण्डे