कुटपिट गरी हत्या घटनाका आरोपित गिरफ्तार

मनहरी गाउँपालिका-५, डिल्लिपुरकी ५० वर्षीया सौतनी आमा सन्तमाया चेपाङलाई कुटपिट गरी हत्या गरेको आरोपमा सोही ठाउँका २६ वर्षीय इन्द्रबहादुर चेपाङलाई प्रहरीले ०८० मङ्सिर ५ गते गिरफ्तार गरेको छ ।

पीडितलाई आरोपितले कात्तिक २७ गते घरायसी विवाद हुँदा कुटपिट गरी गम्भीर घाइते बनाएका थिए । गम्भीर घाइते हुनुभएकी सन्तमायाको उपचारको लागि कात्तिक २८ गते भरतपुर अस्पताल लगिएकोमा उपचारको क्रममा मङ्सिर ५ गते मृत्यु भएको हो ।

पीडित पक्षले मङ्सिर ५ गते जिल्ला प्रहरी कार्यालयमा उजुरी दिएको जिल्ला प्रहरी कार्यालयका डिएसपी लक्ष्मी भण्डारीले इन्सेकलाई जानकारी दिनुभयो । पीडित पक्षको उजुरीका आधारमा आरोपितलाई मङ्सिर ५ गते नै गिरफ्तार गरी अनुसन्धान भइरहेको डिएसपी भण्डारीले बताउनु भयो ।


पुष्पराज अधिकारी