समाचारहरू

हरिनगर गाउँपालिका–७ घुस्कीका २७  वर्षीय पत्रकार ब्रहमदेव मेहताले समाचारका सङ्कलनका क्रममा हरिनगर गाउँपालिका–२ का ३५ वर्षीय फिरोज अञ्सारी, २७ वर्षीय दिलसाद सीद्धिकी र २६  वर्षीय समसीर अञ्सारीले कुटपिट गर्नुका साथै सञ्चार सामग्रीमा क्षति पुर्‍याइएको आरोप लगाउनु भएको छ ।

हरिनगर गाउँपालिका–२ मरिया खोला नजिक ०८० चैत २३ गते हिन्दू र मुस्लिम समुदायका युवाबिच भएको तनावका विषयमा रिपोटिङ्ग गरिरहेको अवस्थामा आरोपितहरुले कुटपिट गर्दै डिएसएलआर क्यामरा फुटाएको पीडितले बताउनु भयो ।

दुवै समुदायका युवाबिच झडप भएको र सो घटनाको नमो अनलाइनबाट प्रत्यक्ष प्रसारण गरीरहेको अवस्थामा आरोपितहरुले कुटपिट गरी क्यामरा फुटाएको पीडित पत्रकारको आरोप छ ।

आरोपितहरुले पत्रकार रवीन्द्र यादव, जुगेश दासलाई कुटपिट गरी सञ्चार सामग्रीमा क्षति पुर्‍याइएको पीडित पत्रकारको आरोप छ ।

पत्रकारमाथि कुटपिट भएको विषयमा पत्रकारसम्वद्ध सङ्घसङ्गठन चैत २३ गते विज्ञप्ति निकालेर विरोध गरेका छन् ।

मानव अधिकारसम्बन्धी घोषणापत्र सन् १९९८ ले पत्रकारलाई मानव अधिकार रक्षक भनि परिभाषित गरेको छ ।

जयकृष्ण यादव