कुटपिटमा संलग्न प्रहरीलाई कारबाही गर्न पीडित पक्षको माग
जुनीचाँदे गाउँपालिका-४ का ३८ वर्षीय जयलाल खड्का र उनकी ३७ वर्षीया पत्नी लाला खड्काले कुटपिटमा संलग्न प्रहरीलाई कारबाहीको माग गरेका छन् ।
जग्गासम्बन्धी विवाद मिलाउन इलाका प्रहरी कार्यालय गर्खाकोटबाट असार २ गते खटिएका प्रहरी हवल्दार धनबहादुर वलीले जयलाल र लालालाई कुटपिट गरेको पीडित पक्षले आरोप लगाएका छन् ।
घटनाका सम्बन्धमा असार ४ गते जिल्ला प्रहरी कार्यालयमा उजुरी दिन पुगेपनि प्रहरीले उजुरी दर्ता नगरेको पीडित पक्षले गुनासो गरे ।
प्रहरीले उजुरी दर्ता नगरेपछि घटनामा संलग्न प्रहरीलाई कारबाहीको माग गर्दै पीडित पक्ष असार ६ गते महिला तथा बालबालिका कार्यालय, अधिकारकर्मी र सञ्चारकर्मीसमक्ष पुगेका छन् ।
जिल्ला प्रहरी कार्यालयमा घटनाको निवेदन आएको डिएसपी भावेश रिमालले बताए । घटनामा संलग्न प्रहरीलाई अनुसन्धानका लागि जिल्लामा बोलाइएको डिएसपी रिमालले जानकारी दिएका छन् । प्रहरीले निवेदन दर्ता नगरको विषयमा बुझेर दर्ता गर्न पहल गर्ने प्रमुख जिल्ला अधिकारी कृष्णचन्द्र पौडेलले बताए ।
जाजरकोटस्थित इन्सेक जिल्ला प्रतिनिधिले घटनाको निवेदन दर्ता गरी छानबिन गरिदिन जिल्ला प्रहरी कार्यालयका डिएसपी, प्रमुख जिल्ला अधिकारीलाई अनुरोध गरेका छन् । महिलालाई कुटपिट गरिएकोले महिला तथा बालबालिका कार्यालयमा समेत निवेदन दिन इन्सेक जिल्ला प्रतिनिधिले सुझाव दिए अनुसार पीडितले महिला तथा बालबालिका कार्यालयमा निवेदन दिएका थिए ।
जग्गासम्बन्धी विवादमा स्थानीय सूर्यबहादुर शाहीले दिएको उजुरीका आधारमा इलाका प्रहरी कार्यालयबाट खटिएका प्रहरी हवल्दार वलीले मदिरा सेवन गरेर कुटपिट गरेको पीडित पक्षको आरोप छ ।
पीडित जयलालका अनुसार साथमा तीन जना म्यादी प्रहरीसहित पुगेका हवल्दारले चौकीमा जान नमानेको आरोपमा बाँसको लठ्ठीले पछाडीबाट हिर्काएको पीडितले बताए ।
धेरै पटक कुटपिट गर्न थालेपछि बाध्य भएर आफू प्रहरी कार्यालय जान्छु भनेपछि प्रहरीले कुटन छोडेको जयलाल खड्काले बताए । आफूलाई प्रहरीले कुटपिट गरी प्रहरी चौकी लैजान लागेपछि पत्नी लाला खड्काले विरोध गर्न खोज्दा हवल्दार वलीले लालालाई पनि अमानवीय तरीकाले गाली गलौज गर्दै कुटेको जयलालले आरोप लगाए ।
जग्गा सम्बन्धी छिमेकीसँगको विवादलाई मिलाउन जग्गा धनीपुर्जा र नापी कार्यालयमा रहेको नापी नक्साका आधारमा छलफल चलाउनुको साटो मदिरा सेवन गरेर पति पत्नीलाई कुटपिट गर्ने प्रहरी हवल्दारलाई कारबाही हुनुपर्ने पीडित लाला खड्काले माग गरेकी छन् ।
दिनेशकुमार श्रेष्ठ
सम्बन्धित समाचारहरू
बलात्कार प्रयास घटनाका आरोपित गिरफ्तार
२२ वर्षीया महिलालाई विवाहको प्रलोभन देखाई बलात्कारको प्रयास गरी हत्या गर्न खोजेको आरोपमा प्रहरीले भिमदत्त नगरपालिका–९ ब्रह्मदेवका २५ वर्षीय दिपक चन्दलाई ०८१ चैत ४ गते गिरफ्तार गरेको छ । पीडित…
बलात्कार घटनाका आरोपित गिरफ्तार
१६ वर्षीया बालिकालाई बलात्कार गरेको आरोपमा मालिका गाउँपालिका–८, सिमलटारी स्थायी घर भइ भारतको भुपालमा काम गर्ने २४ कमल भन्ने चेत बहादुर क्षेत्रीलाई प्रहरीले चैत १ गते गिरफ्तार गरेको छ ।…
सामूहिक बलात्कार घटनाको उजुरी दर्ता
१६ वर्षीया बालिकालाई सामूहिक बलात्कार गरेको घटनाका आरोपितहरू ४५ र ४० वर्षीय पुरुषहरूविरुद्ध पीडित पक्षले जिल्ला प्रहरी कार्यालय सिरहामा दिएको उजुरी प्रहरीले ०८१ चैत ३ गते दर्ता गरेको छ ।…
महिला बेचबिखन घटनाका आरोपित गिरफ्तार
३४ वर्षीया महिलालाई आकर्षक तलबको प्रलोभन देखाई इराक पुर्याइ मानव बेचबिखन गरेको आरोपमा नुवाकोट जिल्ला तारकेश्वर गाउँपालिका–५ घर भएका ३४ वर्षीय हिरा तामाङलाई प्रहरीले ०८१ फागुन ३ गते गिरफ्तार गरेको…
जङ्गली च्याउ खाँदा १० जना बिरामी मध्ये एक जनाको मृत्यु
जिल्लाको व्यास नगरपालिका-३ मा जङ्गली च्याउ घरमा ल्याएर खाँदा एकै परिवारका १० जना बिरामी परेका छन् । म्याग्दे गाउँपालिका-६ सर्वलाङ बस्ने ३० वर्षीय नारायण मगरले बारीमा उम्रेको जङ्गली च्याउ टिपेर…
