कालिञ्चोक गाउँपालिकामा एमाले र कांग्रेसका कार्यकर्ताबीच झडप, दुई जना घाइते

  ०७९ वैशाख २८ गते

कालिञ्चोक गाउँपालिकामा ०७९ वैशाख २७ गते नेकपा एमाले र नेपाली कांग्रेसका कार्यकर्ताबीच झडप हुँदा दुई जना घाइते भएका छन् ।

कालिञ्चोक गाउँपालिका वडा नम्बर ४ मा एमाले र कांग्रेसका कार्यकर्ताबीच झडप भएको हो ।

झडपमा परी एमालेका कार्यकर्ता राजेन्द्र कार्की र कांग्रेसका कार्यकर्ता क्षत्र कार्की घाइते भएका छन् ।

घाइतेमध्ये क्षत्र कार्कीको उपचारका लागि जिल्ला सदरमुकाम चरिकोटस्थित सामुदायिक अस्पतालमा उपचार भइरहेको छ ।

अर्का घाइते राजेन्द्र कार्कीको प्राथमिक स्वास्थ्य केन्द्र, सिंगटी अस्पतालमा उपचार भइरहेको इलाका प्रहरी कार्यालय सिंगटीका प्रहरी निरिक्षक सानु तमाङले जानकारी दिनुभयो ।

क्षत्र कार्कीमाथि एमालेका कार्यकर्ताले धारिलो हतियार प्रहार गरेको बताइएको छ ।

दुई पक्षबीच स्थानीय तह निर्वाचनको विषयलाई लिएर झडप भएको प्रहरीले जनाएको छ ।

photo2dolakha20220511


उद्धव पोखरेल