कारागारमा निर्मित वस्तुहरूले बजार पाएन
खाँदबारी कारागारका कैदीबन्दीहरूले उत्पादन गरेको सामानहरूले बजार नपाएपछि विक्री गर्न सकेका छैनन् । कारागारभित्र प्रशस्त मात्रामा सामानहरू उत्पादन गरिए पनि बजारमा विक्री नभएपछि सामानहरू थुप्रिएका छन् ।
कारागारभित्र ३५ जना कैदीबन्दीले मुडा, टोपी, घरेलु साडी, जाल, नाम्लोलगायतका सामानहरू उत्पादन गर्छन् । तर, उत्पादित वस्तुहरू कारागारको ढोका बाहेक अन्यत्र लगेर विक्री गर्न सकेका छैनन् । उत्पादित सामानहरू एक जनाले सङ्कलन गरेर गेटबाट नै विक्री गर्नको लागि राख्दै आएका छन् । तर, ठुलो मात्रामा उत्पादन गरिएका सामान गेटबाटै विक्री गरिसक्ने सम्भावना नरहेको सङ्कलक बुद्धिमान नेपाली बताए ।
सङ्कलन गरेका सामानहरू बापत उत्पादकहरूलाई ठुलो रकम दिनु पर्ने तर विक्री भने थोरै हुने नेपालीले दुखेसो पोखे । उत्पादन गरिएको सामग्रीहरू विक्री गर्न नसक्दा थुपारेर राख्नुपर्ने बाध्यता रहेको उनको भनाई छ । 'उत्पादकहरूलाई सामानको पैसा दिनै पर्यो, बेचेर साध्य छैन, बाहिरबाट पैसा मगाएर उत्पादकहरूलाई दिँदैछु ।'-सामग्री सङ्कलक नेपालीले भने ।
कारागारमा उत्पादन गरिएको सामानहरू कोही व्यापारीले लगेर बोचिदिए राम्रो मुल्य पाउने कारागारका सामान उत्पादकहरू पनि बताउँछन् । कुनै व्यक्ति तथा सङ्घसंस्थाले उत्पादित सामानहरू लगेर बेचिदिए उनीहरू र आफूहरूलाई पनि राम्रो हुने ढाका उत्पादक शुक्र तामाङ बताउँछन् । कोही कसैले सामान बजारमा लगेर बेचिदिए राम्रो हुने उनको पनि भनाई छ ।
कारागारको क्षमता बढाएसँगै फराकिलो ठाउँ भएपछि उत्पादनको परिमाण पनि बढेको कारागारका जेलर विनोद अधिकारीले बताए । यस भन्दा अघि स्थानीय व्यापारीहरूसँग कुरा गरेर केही सामानहरू विक्री गर्न पठाइएको बताउँदै अब थप के गर्न सकिन्छ सो को बारेमा पहल गर्ने अधिकारीको भनाई छ ।
कोही व्यापारिहरूले नै कारागारबाटै सङ्कलन गरेर लगे अझ उत्पादन बढ्न सक्ने समेत अधिकारीले बताए । 'खासै विक्री हुँदैन भन्दै कैदीबन्दीहरूले उत्पादनमा कम चासो दिएका छन् । विक्री हुने निश्चित भए उत्पादन बढ्छ ।'-अधिकारीले भने ।
खाँदबारी कारागारमा अहिले ७ जना महिला र ९७ जना पुरूष गरी १ सय ४ जना कैदीबन्दीहरू छन् । उनीहरू मध्ये अधिकांश केही न केही उत्पादनमुलक कार्यमा व्यस्त छन् भने कोही सिक्ने क्रममा छन् । सुधार गृहको रूपमा लिइएको कारागारमा उत्पादन गरिएको सामग्रीहरूलाई उचित बजार व्यवस्थापन गर्न सके राम्रो अर्थोपाजन हुन सक्ने देखिएको छ ।
बाबुराम बास्तोला
सम्बन्धित समाचारहरू
डेङ्गी सङ्क्रमित बढे, जिल्ला अस्पतालमा वेड अभाव
डेङ्गी सङ्क्रमित बढेपछि जिल्ला अस्पतालमा वेड अभाव भएको छ । डेङ्गी सङ्क्रमितको सङ्ख्या १ हजार ३ सय भन्दा बढी भएपछि ३७ ओटा वेड क्षमता भएको अस्पतालमा वेड अभाव भएको अस्पताल…
कानुनी प्रक्रियामा जानका लागि हिंसा पीडित महिलालाई इन्सेकको सहयोग
आर्थिक अवस्था कमजोर भइ कानुनी प्रकृयामा जान नसकेकी सुर्खेतको बराहाताल गाउँपालिका –२ रानीघाट घर भइ हाल वीरेन्द्रनगर नगरपालिका – ३ मा बस्दै आएकी २५ वर्षीया भोजकुमारी खड्कालाई असोज १५ गते…
बलात्कार गरेको कसूरमा तीन वर्ष कैदको फैसला
४० वर्षीया महिलालाई बलात्कार गरेको कसूरमा बर्दगोरिया गाउँपालिका–१ बौनियाका ३५ वर्षीय चक्र ओडलाई ०८० असोज १४ गते तीन वर्ष कैद सजायको फैसला गरिएको छ । जिल्ला अदालत, कैलालीका न्यायाधीश ओमप्रसाद…
जिल्ला अस्पतालमा औषधिको अभाव : बिरामीलाई समस्या
जिल्ला अस्पतालमा एक सातोदेखि अत्यावश्यक औषधिको अभाव देखिएको छ । अस्पतालमा औषधि अभाव हुँदा बिरामीलाई समस्या भएको छ । नियमित रुपमा खरिद गर्नु पर्ने औषधि खरिद नहुँदा अस्पतालमा औषधिको अभाव…
पहुँचयुक्त विद्यालयमा पदस्थापनकाे माग गर्दै दृष्टिविहिन अपाङ्गता भएकी शिक्षिका आमरण अनसनमा
पहुँचयुक्त र पायक पर्दो विद्यालयमा पदस्थापन र हाजिरीको माग गर्दै पोखरा महानगरपालिका– १३ भलाम निवासी ३८ वर्षीया दृष्टिविहिन अपाङ्गता भएकी शिक्षिका शोभा पौडेल २०८० असोज १४ गते देखि गण्डकी प्रदेश…
