कारागारमा झडप हुँदा सात जना घाइते

 

जिल्ला कारागार दैलेखमा वैशाख ९ गते कैदीबन्दीहरूबिच झडप हुँदा सात जना घाइते भएका छन् । झडपमा गम्भीर घाइते हुनेमा नारायण शाही र उपेन्द्र पुन छन् ।

नारायण शाहीलाई बढी चोट लागेको कारण जिल्ला अस्पताल दैलेखमा उपचार गराइएको जिल्ला प्रहरी कार्यालयका इन्स्पेक्टर योगेन्द्र खड्काले जानकारी दिए ।

उपेन्द्र लगायत सामन्य घाइते भएका अन्य ६ जनालाई प्राथमिक उपचारपछि कारागारमै फर्काइएको छ । ९ गते बिहान खानेपानीको विषयलाई लिएर नारायण शाही र उपेन्द्र पुनबिच भएको विवादपछि कारागारभित्र उनीहरूको समूहबिच झडप भएको इन्स्पेक्टर खड्काले बताए ।

१ सय जनाको क्षमता रहेको दैलेख कारागारमा १ सय ५३ जना कैदीबन्दी एकै ठाउँमा राखिएकाले पटकपटक विवाद र बेलाबेलामा हुने गरेको छ ।


अमर सुनार