समाचारहरू

पर्याप्त भौतिक संरचना नहुँदा जिल्ला कारागारमा क्षमता भन्दा तेब्बर बढी कैदीबन्दी एकै ठाउँमा बस्न बाध्य भएका छन् ।

२५ जनाको क्षमता भएको पर्वत कारागारमा अहिले ७८ जना कैदीबन्दी रहेका छन् । जसमध्ये ७३ जना पुरूष र पाँच जना महिला कैदीबन्दी रहेका छन् ।

कारागारका प्रमुख मोहनप्रसाद उपाध्यायले कारागार भित्र बस्ने ब्यवस्थाको अभाव भएपछि आपसी समझदारीमा मिलाएर एकै कोठामा धेरै जनालाई राखिएको बताए ।

धेरै जना कैदीबन्दी राख्नुपर्दा सुत्ने ठाउँ, शौचालयको लागि पालो पर्खनुपर्दा समस्या हुने गरेको उपाध्यायले बताए । गर्मीको समयमा कैदीबन्दीको सङ्ख्या बढी भएका कारण ज्वरो र रूघाखोकीको समस्या पनि बढी हुने उपाध्यायको भनाई छ ।

'ङ' वर्गको जिल्ला कारागारमा महिला बन्दी गृहको व्यवस्था नभएकामा पुरूष कैदीबन्दीहरूका लागि नै निर्माण भएको बन्दी गृहभित्र फरक फरक ब्लक बनाएर राखिँदै आएको छ ।

सन्तोष थापा