कानुनी प्रक्रियामा जानका लागि पीडितलाई इन्सेकको सहयोग

  ०८० मङ्सिर २१ गते

आर्थिक अवस्था कमजोर भइ कानुनी प्रकृयामा जान नसकेकी  भेरीगंगा नगरपालिका– ६ की ५८ वर्षीया बमी कामीलाई मङ्सिर २१ गते अनौपचारिक क्षेत्र सेवा केन्द्र (इन्सेक) कर्णाली प्रदेश कार्यालय, सुर्खेतले कानुनी प्रकृयामा जानका लागि आर्थिक सहयोग गरेको छ ।

पीडितले आफ्ना पतिले बहुविवाह गरी  घरेलु हिंसा गरेकोले खाना खर्च र अंशसहितको सम्बन्ध विच्चछेदको जिल्ला अदालतमा मुद्दा प्रकृयामा रहेकोले आवतजावत गर्न र कानुनी शुल्कमा समस्यामा परेको बताउनुभयो ।

मुद्दाको लागि अदालतमा आवतजावत गर्दा आर्थिक समस्या भएपछि पीडितले आर्थिक सहयोगको माग गर्दै इन्सेकमा असोज ३ गते निवेदन दिनुभएको थियो ।

निवेदनको आधारमा मानव अधिकार सहायता कक्षको कात्तिक २२ गते बसेको बैठकको निर्णय अनुसार नगद चार हजार पाँच सय रुपियाँ आर्थिक सहयोग गरेको कर्णाली प्रदेश संयोजक नारायण सुवेदीले जानकारी दिनभयो ।

पीडितलाई न्यायिक प्रक्रियामा जाँदा लाग्ने निवेदन शुल्क, फोटोकपी र यात्राखर्च लगायतका शिर्षकमा सहयोग पुग्ने उद्देश्यले उक्त रकम सहयोग गरिएको संयोजक सुवेदीको भनाइ छ । संयोजक सुवेदीले इन्सेकको सहयोगले कानुनी प्रक्रियामा केही सहज हुने विश्वास व्यक्त गर्नुभयो ।

Photo20231207Surkhet


जगतदल जनाला विक