समाचारहरू

नेपाली काङ्ग्रेस र वाम गठबन्धनका कार्यकर्ताबिच मङ्सिर ६ गते राति चम्पादेवी गाउँपालिका-९ विलन्दुमा दोहोरो झडप भएको छ ।

झडपमा परी काङ्ग्रेसका दुई र एमालेका एक जना कार्यकर्ता जना कार्यकर्ता घाईते भएका छन् । जिल्लाको चम्पदेबी गाउपाँलिका ९ बिलन्दुमा मङ्सिर ६ गते राति झडप हुँदा नेपाली काङ्ग्रेसका कार्यकर्ता उत्तम कार्की र दुर्गा श्रेष्ठ घाइते भएका थिए ।

झडपमा परी घाइतेको हेलिकोप्टरबाट उपचारका लागि काठमाडौँ लगिएको छ । उनीहरूको टाउकोमा चोट लागे पनि अवस्था सामान्य भएको बताइएको छ ।

मङ्सिर ७ गते दिउँसो काङ्ग्रेस नेता तथा कार्यकर्ताहरूले वाम गठबन्धनका ४० वर्षीय काजी सार्कीलाई घरमै गएर आक्रमण गरेका थिए । उनी गम्भीर घाइते भएको र उपचारका लागि अस्पताल लैजाँदै गरिएको गठबन्धनका नेता सुरेश थापाले बताए ।

वाम गठबन्धनले चम्पादेवी गाउँपालिकाका प्रमुख नवराज केसीको नेतृत्वमा आक्रमण गरेपछि प्रतिकार गरेको जनाएको छ । गठबनधनका नेता विनोद सुनुवारले गाउँपालिका प्रमुख नवराज केसी नै घरमा बसेका व्यक्तिलाई कुटपिट गरेको बताए ।

घाइते एमाले कार्यकर्ताको नाम पहिचान हुन बाँकी रहेको जनाइएको छ । काङ्ग्रेस कार्यकर्ताको टाउकोमा चोट लागेको र काठमाडौँस्थित टिचिङ अस्पतालमा उपचार भइरहेका ओखलढुङ्गाका प्रहरी प्रमुख डिएसपी अर्जुन तिमल्सिनाले बताए । रातको समयमा अचानक दुई समूहबिच जम्काभेट हुदाँ झडप भएको हुन सक्ने प्रहरी प्रमुख तिमिल्सिनाको भनाई छ ।

नेपाली काङ्ग्रेसले ज्यान मार्ने उद्योगले आक्रमण गरेको आरोप लाएको छ । वाम गठबन्धनले भने पैसा बाँड्दै हिँडेका कार्यकर्तालाई भेटेपछि विवाद भएको जनाएको छ । घटनाको विषयमा थप अनुसन्धान भइरहेको र दोषीलाई कारबाहीको दायरामा ल्याउने डिएसपी तिमिल्सिनाले बताए ।

शिवप्रसाद ढुङ्गाना