काङ्ग्रेस र माओवादीबीच विवाद ः प्रहरीद्वारा ११ राउण्ड हवाई फायर

  ०७९ वैशाख २९ गते

सोरु गाउँपालिका–३ भिई गाँउमा काँग्रेस र माओवादी कार्यकर्ताबीच निर्वाचनका विषयमा विवाद भई काँग्रेसका कार्यकर्ताले माओवादीबाट वडा अध्यक्ष उम्मेदवारको घर घेराऊ गरेपछि दुई समूह बीच झडप हुने अबस्था आएको भन्दै भिड नियन्त्रण गर्न ११ राउण्ड हवाई फायर गरेको प्रहरीले जनाएको छ ।

सोरु गाँउपालिका—३ मा वैशाख २८ गते राति ११ बजे काँग्रेसका कार्यकर्ताले सोही वडाको माओवादी पार्टीका उम्मेदवार मनकला रोकायाको घर घेराऊ गरी दुई समुह बीच झडप हुने अबस्था आएपछि भिड नियन्त्रण लिन गरु मावि मतदान केन्द्रमा खटिएका प्रहरीले ११ राउण्ड हवाईफायर गरेका हुन ।

जिल्ला प्रहरी कार्यालय, मुगुका डीएसपी सुभाष हमालले दिएको जानकारी अनुसार माओवादीबाट वडा अध्यक्षका उम्मेदवार रोकायाको घरलाई काँग्रेस कार्यकर्ताले घेराऊ गरी दुई समूह बीच झडप हुने अबस्था आएपछि प्रहरीले भिडलाई नियन्त्रण गर्न ११ राउण्ड हवाई फायर गरेको हो ।

हवाई फायरपछि भिड तितरवितर भएपनि पुन दुई समूहबीच झडप हुने सम्भावना देखिएपछि सुरक्षाकालागि सोरु गाँउपालिका सोरुकोटबाट नेपाली सेना, जनपद र सशस्त्र प्रहरीको थप बल घटनास्थलमा पठाइएको डीएसपी हमालले जानकारी दिनु भएको छ ।

वैशाख २८ गते दिउँसोबाट दुई पक्षबीच भएको विवादले मतदान केन्द्रमा सर्वदलीय बैठकसम्म बस्न सकेको थिएन । राति ११ बजे दुईपक्षबीच भएको विवादले प्रहरीले हवाई फायर गरेपछि नियन्त्रणमा आएपछि २९ गते सर्बपक्षीय बैठक सम्पन्न भएको गुरु माविका मतदान अधिकृत यमबहादुर मल्लले बताउनु भयो ।


जीवन सेजुवाल