समाचारहरू

नेपाली काङ्ग्रेस  र नेकपा एमालेका कार्यकर्ताबिच असोज १४ गते राति बृन्दावन नगरपालिका-५ मा झडप हुँदा तीन वर्षीया अञ्जलीकुमारी यादवको मृत्यु भएको जनाइएको छ ।

बृन्दावन नगरपालिका-५ का नेपाली काङ्ग्रेस का कार्यकर्ता हुलास राययादव र एमालेका कार्यकर्ता कृष्ण चौधरीबिच खानेपानीको विषयमा विवाद भई झगडा हुँदा हुलास राययादवकी छोरी अञ्जलीकुमारीको मृत्यु भएको जनाइएको हो ।

बालिकाको मृत्युको विषयमा पीडित पक्षले एमाले कार्यकर्ता कृष्ण चौधरीलगायतले बालिकालाई हत्या गरेको आरोप लगाएको छ । चौधरी पक्षले भने आफूलाई फसाउन यादवले रिसको झोकमा छोरीलाइ भुँइमा पछारेको र घाइते भएकी अञ्जलीको मृत्यु भएको दावी गरेको छ ।

प्रहरीले नेपाली यादव र चौधरी दुवै जनालाई नियन्त्रणमा लिएर अनुसन्धान गरिरहेको इलाका प्रहरी कार्यालय गरुडाका इन्स्पेक्टर केशव रेग्मीले जानकारी दिएका छन् ।

चौधरीको घर नजिकै रहेको सार्वजनिक धारामा यादव पानी लिन गएपछि भएको विवादले पछि राजनीतिक रूप लिएको प्रहरीले जनाएको छ ।

विपिन गौतम