समाचारहरू

मोलुङ गाउँपालिका-७, पात्लेमा असार ८ गते बिहान एमाले र काङ्ग्रेस कार्यकर्ताबिच झडप भएको छ । झडपमा एमालेका गाउँ कमिटी सचिव टेकराज सुनुवार घाइते भएका छन् ।

काङ्ग्रेस उम्मेदवारले टाँसेको प्रचार सामग्री एमाले कार्यकर्ताले च्यातेको आरोपमा काङ्ग्रेसका वडा अध्यक्षका उम्मेदवार गेली शेर्पाको टोलीले आक्रमण गरेपछि झडप भएको अनेरास्ववियुका केन्द्रिय सदस्य दिपक फुयालले बताए ।

फोन नलागेकाले घाइतेको अवस्था बुझ्न समस्या भएको छ भने प्रहरीलाई जानकारी गराइसके पनि प्रहरी चौकी टाढा भएकोले प्रहरी आइनपुगेको स्थानीयले बताएका छन् ।

जिल्ला प्रहरी कार्यालय ओखलढुङ्गाका इन्स्पेक्टर टिका कार्कीले आफूले घटनाबारे थाहा पाउने बित्तिकै प्रहरीलाई घटनास्थलतर्फ पठाएको बताए । घटनास्थल टाढा भएकोले प्रहरी पुगिनसकेको र थप विवरण प्राप्त नभएको कार्कीको भनाइ छ ।

शिवप्रसाद ढुङगाना