काङ्ग्रेस र एमाले कार्यकर्ताबिच झडप, चार जना गिरफ्तार

  ०७४ असार ३ गते

स्थानीय तह निर्वाचनको मिति नजिकिँदो क्रममा तेह्रथुमको सदरमुकाम नजिकै रहेको जिरीखिम्ती बजारमा असार २ गते राति नेपाली काङ्ग्रेस र एमालेका कार्यकर्ताबिच झडप भएको छ ।

चूनाव प्रचारप्रसारका क्रममा नेपाली काङ्ग्रेसका कार्यकर्ता योगेन्द्र खत्रीले एमालेका कार्यकर्ता मिनप्रसाद लिम्बुलाई कुटपिट गरेपछि दुवै पक्षका कार्यकर्ताहरूबिच झडप भएको बताइएको छ ।

घटनापछि प्रहरीले झडपमा संलग्न रहेको जनाउँदै म्याङलुङ नपा-९ का शुक्रराज लिम्बु, खड्क लिम्बु, जितेन लिम्बु र दिपेश लिम्बुसहित चारजनालाई गिरफ्तार गरी अनुसन्धान गरिरहेको जिल्ला प्रहरी कार्यालयका डिएसपी भागेन्द्रपुरूष ढकालले जानकारी दिए ।


भगिश्वर लिम्बु