समाचारहरू

बाग्लुङ नपा-१२ अमलाचौरमा काङ्ग्रेस कार्यकर्ताको आक्रमणबाट मङ्सिर १० गते एकजना एमाले कार्यकर्ता गम्भीर घाइते भएका छन् ।

मतदान सकिएपछि नेपाली काङ्ग्रेसका स्थानीय कार्यकर्ता गोपाल पौडेल र श्याम नेपालीको नेतृत्वको टोलीबाट भएको आक्रमणबाट एमालेको स्थानीय कार्यकर्ता राजु शाही घाइते भएको जिल्ला प्रहरी कार्यालय बाग्लुङले जनाएको छ ।

ढुङ्गा प्रहारले गर्दा शाहीको टाउकोमा गहिरो चोट लागेको छ । शाहीको धौलागिरी अञ्चल अस्पताल बाग्लुङमा सामान्य उपचारपछि थप उपचार गर्न पोखराको मणिपाल अस्पताल रिफर गरिएको प्रहरीले जानकारी दिएको छ ।

आक्रमणमा संलग्नलाई तत्काल गिरफ्तार गरी कारबाहीको दायरामा ल्याउन नेकपा एमालेसहितका वाम गठवन्धनले माग गरेको छन् । जिल्ला प्रहरी कार्यालय, बाग्लुङका डिएसपी विश्वराजसिंह थापाले घटनाको अनुसन्धान गरी संलग्नलाई कारबाहीको दायरामा ल्याउनका लागि तत्काल निर्देशन दिएको बताए ।

सिर्जना पन्त