काङ्ग्रेसका उम्मेदवारले मतदातालाई पैसा बाँडेको एमालेको आरोप
छेडागाड नपा-१ मनघाटमा नेपाली काङ्ग्रेसका वडा सदस्यका उम्मेदवार प्रेमबहादुर बस्नेतले वैशाख २५ गते साँझ मतदातलाई पैसा बाँडेको एमालेले आरोप लगाएको छ ।
एमाले समर्थक महिलाहरूले उम्मेदवार बस्नेतले मतदातालाई रुपियाँ बाँडिरहेको देखेपछि ९० हजार रुपियाँसहित बस्नेतलाई निर्वाचन अधिकृतको कार्यालय छेडागाडमा बुझाएको एमालेका जिल्ला अध्यक्ष करविर शाहीले बताए ।
काङ्ग्रेसका जिल्ला कोषाध्यक्ष तेजविक्रम शाहले यस विषयमा जिल्ला समितिमा कुनै जानकरी नआएको बताए । एमालेका केन्द्रीय सदस्य भैरवसुन्दर श्रेष्ठले निर्वाचन आचारसंहिता विपरीत निर्वाचनलाई प्रभाव पार्ने गरी जनतालाई किन्न पैसा बाँडेको विषयमा कारबाही हुनु पर्ने माग गरे ।
निर्वाचन अधिकृतको कार्यालयमा वैशाख २६ गते एमाले र काङ्ग्रेसका उम्मेदवारबिच भएको छलफलमा अबदेखि मतदातालाई रुपियाँ नबाँडने तथा उक्त रुपियाँ राष्ट्रिय कोषमा राख्ने सहमतिमा दुबै पक्षबिच मिलापत्र भएको मुख्य निर्वाचन अधिकृत निलाराज अधिकारीले बताए ।
यसैगरी निर्वाचन सम्बन्धी सम्पूर्ण सामग्री लिएर मतदानका लागि खटिएका कर्मचारी, सुरक्षाकर्मी, म्यादी प्रहरीसमेतको टोली वैशाख २६ गते सदरमुकामबाट आ-आफ्नो मतदान केन्द्रतर्फप्रस्थान गरेको मुख्य निर्वाचन अधिकृतको कार्यालय जाजरकोटले जनाएको छ ।
दिनेश श्रेष्ठ
सम्बन्धित समाचारहरू
प्रहरीको भवन निर्माण अलपत्र हुँदा सेवा प्रवाहमा समस्या !
पाँच वर्षदेखि निर्माणाधीन जिल्ला प्रहरी कार्यालयको भवन अलपत्र हुँदा सेवा प्रवाहमा समस्या भएको छ । समयमै भवन निर्माण हुन नसक्दा नियमित कामकाजमा असहज भइरहेको छ । भवन नहुँदा कहिले जीर्ण…
सामुदयिक स्वास्थ्य चौकी खोल्सीमा भौतिक सामग्री अभावः सेवाग्राहीलाई समस्या
सिमकोट गाउँपालिका–८ स्थित सामुदायिक स्वास्थ्य इकाइ खोल्सीमा भौतिक सामग्रीको अभाव भएको छ । उक्त सामुदायिक स्वास्थ्य इकाइमा बिरामीहरूलाई सेवा दिने विभिन्न भौतिक संरचनाको अभाव भएपछि सेवाग्राहीले सास्ती खेप्नु परेको हो…
बलात्कार घटनाका आरोपित गिरफ्तार
१३ वर्षीया बालिकालाई बलात्कार गरेको आरोपमा प्रहरीले भिमदत्त नगरपालिका–३ तिलकपुरका २२ वर्षीय रवि चदारालाई ०८१ फागुन ४ गते गिरफ्तार गरेको छ । पीडित बालिकालाई बिभिन्न प्रलोभन देखाई आरोपितले ०८१ असोज…
स्वास्थ्कर्मी कुटपिट घटनाका आरोपित गिरफ्तार
सेती प्रादेशिक अस्पताल, धनगढीमा कार्यरत डाक्टर वेदप्रकाश पन्तलाई कुटपिट गरेको आरोपमा प्रहरीले धनगढी उपमहानगरपालिका–१३ का २४ वर्षीय कृष्ण रानालाई ०८१ फागुन ५ गते गिरफ्तार गरेको छ । डाक्टर पन्तले आइसीयुमा…
नारायणी अस्पतालमा चिकित्सकको अभाव हुँदा सेवाग्राहीहरू मर्कामा
वीरगञ्जस्थित नारायणी अस्पतालमा ०७९ साउन महिनादेखि विशेषज्ञ चिकित्सकको अभाव हुँदा सेवाग्राहीहरू मर्कामा परेका छन् । नारायणी अस्पतालमा विशेषज्ञ चिकित्सकको दरबन्दी पाएका चिकित्सकहरू काजमा अन्य अस्पतालमा कार्यरत भएको कारण अस्पतालमा सेवा…