समाचारहरू

के आइ सिह गाउँपालिका–५ रानागाउँमा नेपाली कांग्रेसका कार्यकर्ता र एकीकृत समाजबादी पार्टीका कार्यकर्ताहरु बीच वैशाख २७ गते साँझ झडप हँुदा स्थानीय धर्म भुलका पाँच वर्षीय छोरा कालु भुलको हात भाचिएको छ ।

नेपाली कांग्रेसका वडा सभापती गणेश शाही ,स्थानीय नेता कर्ण शाही र भरत शाहीले स्याला टोलमा मत मागिरहेको अवस्थामा एकीकृत समाजवादी निकट कार्यकर्ता रोषन मल्ल , बिरेन्द्र पार्की र जय भुल बीच विबाद हुँदा झडप भएको स्थानीय मष्टेश्वरी आधारभूत विद्यालयका प्रध्यानाध्यापक चेतबहादुर रावलले बताउनु भयो ।

कांग्रेस र एकीकृत समाजवादीका कार्यकर्ताहरुको स्थानीय धर्म भुलको घरमा झडप भइरहको अवस्थामा धर्म भुलका पाँच वर्षीय छोरा कालु भुल हुलहालमा पर्दा हात भाचिएको हो ।

झडपमा परी नेपाली कांग्रेसका कार्यकर्ता योगेन्द्र शाही, ललीत शाही, कर्ण शाही र एकीकृत समाजवादीका कार्यकर्ता रोषन मल्ल र जय भुल सामान्य घाइते भएको जिल्ला प्रहरी कार्यालयका एसपी शारदाकुमार चौधरीले बताउनु भयो ।

नेपाली कांग्रेस र एकीकृत समाजवादीका कार्यकर्ताको झडपका क्रममा हात भाचिएका पाँच वर्षीय बालकको सुजङ अस्पताल, दिपायलमा उपचारपश्चात घर ल्याइएको पीडितका बुवा धर्म भुले बताउनु भयो ।

अहिले दुबै पक्ष बिच निर्वाचनलाई शान्तिपूण वातावरणमा सम्पन्न गर्न दुबै पक्षबीच सहमति भएको र उपरान्त निर्वाचन आचारसंहिताको पूर्ण पालना गर्ने प्रतिबद्धता सहित दुबै पक्षबीच मिलापत्र भएको जिल्ला प्रहरी कार्यालयका एसपी चौधरीले बताउनु भयो ।

गणेश जोशी