समाचारहरू

नेकपा एमलेले सुनकोसी गाउँपालिकामा आचासंहिता विपरीत प्रचार सामग्री टाँसेको आरोपमा नेकपा एमालेका वडा अध्यक्षका उम्मेदवार गोविन्द तामाङ्ले उजुरी गरेका छन् ।

मुख्य निर्वाचन अधिकृतको कार्यालयमा असार १ गते दर्ता उजुरीमा सुनकोसी गाउँपालिकाको सार्वजनिक स्थलमा निर्माण भएका घर टहरामा झण्डा, पोष्टर र व्यानर टाँसेर आचारसंहिता उल्लङ्घन गरेको उल्लेख छ ।

मुख्य निर्वाचन अधिकृतको कार्यालयमा दर्ता गरिएको उजुरीमा आचारसंहिता विपरीत सार्वजनिक प्रयोजनका हाटबजारका लागि निर्माण गरिएका भवनहरूमा पोष्टर, पर्चा र झण्डा राखिएकाले कारबाही गर्न माग गरिएको छ । एमाले वडा अध्यक्ष तामाङले सार्वजनिक स्थलको दुरूपयोग भएकाले उजुरी गरेको इन्सेक प्रतिनिधिलाई बताए ।

उजुरी अध्ययन गरेर आचारसंहिता अनुगमन अधिकारीलाई कारबाहीका लागि निर्देशन दिइएको मुख्य निर्वाचन अधिकृत चन्द्रमणि ज्ञावलीले बताए ।

जिल्लामा सर्वदलीय बैठकले आचारसंहिता उल्लङ्घन नगर्ने निर्णय गरे पनि दलका उम्मेदवारहरूले टोपी, टिसर्ट लगाउने, योजना दिन्छु भन्दै भोट फकाउने गरेका छन् ।

यस्तै सिद्धिचरण नपा-५ मा नेपाली काङ्ग्रेसले विभिन्न आयोजनाको खर्च विवरण राखिएका वोर्डमा पर्चा टाँसेको पाइएको छ ।

शिवप्रसाद ढुंगाना