समाचारहरू

नेपालगञ्जमा जारी कर्फ्युलाई खुकुलो बनाउदै लैजाने असोज १७ गते बसेको सर्बपक्षीय बैठकले निर्णय गरेको छ ।

हिन्दु र मुस्लिम समुदायबिच असोज १६ गते भएको झडप पछि दिउसो १ बजेदेखि जिल्ला प्रशासन कार्यालयले कर्फ्यु आदेश जारी गरेको थियो ।

बैठकले असोज १६ गते भएको घटना प्रति संवेदनशिल हुँदै सामाजिक सञ्जाल तथा अन्य माध्यमबाट  सामाजिक सद्भाव भडकाउने धार्मिक विद्येष फैलाउने तथा कसैको धार्मिक आस्थामा आँच आउने जस्ता कानुन विपरितका  कार्यहरू गर्ने कुनै पनि व्यक्तिहलाई तत्काल कानुन बमोजिम कडा कारबाही गर्ने, शान्ति सुरक्षाको वर्तमान अवस्थालाई पुर्ण रूपमा सामान्य अवस्थामा ल्याउने र नेपालगञ्ज क्षेत्रमा हाल जारी रहेको कर्फ्यु आदेश क्रमशः खुकुलो बनाउँदै पूर्णरूपमा हटाउन जिल्ला सुरक्षा समितिलाई अनुरोध गर्ने निर्णय गरेको छ ।

यसैगरी, सामाजिक सद्भभाव कायम राख्न र सद्भाव भड्किन नदिने प्रतिबद्धता गर्ने सबै क्षेत्र तहको सहभागीता हुने गरी सद्भाव र्याली आयोजना गर्ने निर्णय भएको इन्सेकका लुम्बिनी प्रदेश संयोजक भोला महतले जानकारी दिनुभयो ।

सामाजिक सञ्जाल फेसबुकमा असोज १४ गते मुस्लिम समुदायलाई लक्षित गर्दै लेखिएको स्टाटसको विषयलाई लिएर मुस्लिम समुदायले गरेको विरोध र्‍याली निकालेको थियो ।  हिन्दु ओमकार समाजको आयोजनामा असोज १६ गते भएको प्रदर्शनमा नेपालगञ्ज उपमहानगर बिपिचोक नजिकै मुस्लिम समुदाय र हिन्दु समुदायका युवाहरूबिच ढुङ्गा हाना हान भएको थियो ।

इन्सेक लुम्बिनी प्रदेश कार्यालय, नेपालगञ्ज