समाचारहरू

नेत्र विक्रम चन्द नेतृत्वको नेपाल कम्युनिष्ट पार्टीका कार्यकर्ताले प्यूठान नपा, स्वर्गद्वारी नपा र माण्डवी गाउँपालिकामा रहेका साइनबोर्ड वैशाख १० गते राति फालेका छन् ।

प्यूठान नपा-७ मा रहेको कार्यालयको साइनबोर्ड, यसैगरी स्वर्गद्वारी नपा-३ मा रहेको कार्यालयको बोर्ड र माण्डवी गाँउपलिका-३ मा रहेको कार्यालयको बोर्ड पनि वैशाख १० गते राति सो पार्टीका कार्यकर्ताले फालेको बताइएको छ ।

स्वर्गद्वारी नगरपालिका नजिक नेपाल कम्युनिष्ट पार्टीको पर्चा भेटिएको र पर्चाको अधारमा सोही पार्टीका कार्यकर्ताले फालेको खुलेको जिल्ला प्रहरी कार्यालय प्यूठानका प्रमुख रञ्जितसिंह राठोरले बताए ।

नेपाल कम्युनिष्ट पार्टीका जिल्ला इञ्चार्ज ददिराम सुवेदीले अहिले हुन गइरहेको स्थानीय निर्वाचनको विरोधमा केन्द्रीय कार्यक्रम अन्तरगत साङ्केतिक कार्यक्रम गरिएको बताए । स्थानीय तहको निर्वाचन आफूहरूलाई मान्य नभएको बताउँदै उनले निर्वाचनको निरन्तर विरोध गर्ने बताए ।

रविन्द्र पाण्डे