कथित बोक्सोको आरोप लगाउँदै हत्या गरेको कसुरमा जन्मकैद

 

डाँढा गाविस–८ मनियारी पर्साही मुसहरी टोलका ६५ वर्षीय खटर सदालाई कथित बोक्सोको आरोप लगाउँदै हत्या गरेको आरोपमा पुर्पक्षका लागि थुनामा रहेको सोही ठाउँका ६१ वर्षीय भोला सदालाई जिल्ला अदालतले पुस १८ गते जन्मकैद सजायको फैसला गरेको छ ।

सुतिरहेका बेला ०७३ मङ्सिर २ गते राति सिलौटाले प्रहार गरी हत्या गरेको आरोपमा जिल्ला न्यायाधीश उमेश कोइरालाको इजलाशले आरोपितलाई जन्मकैद सजायको फैसला गरेको स्रेस्तेदार दिलकुमार वर्देवाले बताए ।

मृतकको राजविराजस्थित गनासिं सरगरमाथा अञ्चल अस्पतालमा ०७३ मंसिर ३ गते पोष्टमार्टम भएको थियो ।

मृतककी पत्नी ५५ वर्षीया खिखरीदेवी सदाले इलाका प्रहरी कार्यालय कञ्चनरुपमा ०७३ मङ्सिर ३ गते दिएको उजुरीका आधारमा आरोपितलाई प्रहरीले सोही दिन गिरफ्तार गरेको थियो ।

जिल्ला न्यायाधीश राजेश कुमार काफ्लेको आदेशमा आरोपित पुपक्षर््ाका लागि मङ्सिर २२ गतेदेखि राजविराज कारागारमा थुनामा छन् ।


मनोहरकुमार पोखरेल