कथित बोक्सी भन्दै दुर्व्यवहार गरेको आरोपमा वडा सचिवसहित तीन जना गिरफ्तार

 

५२ वर्षीया दुई जना महिलालाई कथित बोक्सी आरोपमा दुर्व्यवहार गरेको आरोपमा प्रहरीले तिलोत्तमा नगरपालिका-४ घरभई सोही नपा-५ वडा सचिव ५४ वर्षीय टीकाराम आचार्य, उनकी पत्नी ४८ वर्षीया कमला आचार्य र छोरी २३ वर्षीया प्रतिज्ञा आचार्यलाई कात्तिक २६ गते गिरफ्तार गरेको छ ।

आरोपितहरूले कात्तिक २५ गते कथित बोक्सी आरोप लगाउदै दुर्व्यवहार गरेको भन्दै पीडित पक्षले कात्तिक २६ गते उजुरी दिएपछि आरोेपितलाई गिरफ्तार गरी अनुसन्धान थालिएको जिल्ला प्रहरी कार्यालयका डिएसपी डिलबहादुर मल्लले बताए ।

पीडितका अनुसार टीकारामले घरमा बोलाएको र आमा छोरीले बोक्सी लगाई बिरामी पारेको भन्दै दुर्व्यवहार गरेका थिए ।


रीमा बिसी