समाचारहरू

२६ वर्षीया महिलालाई कथित बोक्सी आरोप लगाएको घटनामा दोषी ठहर गर्दै जिल्ला अदालतले तुलसीपुर उप–महानगरपालिका– ५ का ३२ वर्षीय देवबहादुर परियारलाई एक वर्ष कैदको फैसला गरेको छ ।

जिल्ला अदालतका न्यायाधीश डिल्लीराम शर्मा अर्यालको इजलासले कात्तिक २९ गते परियारलाई दोषी ठहर गर्दै एक वर्ष कैद १० हजार रुपियाँ जरिबाना र २० हजार रुपियाँ क्षतिपूर्ति उपलव्ध गराउने फैसला गरेको श्रेस्तेदार हिरण्यप्रसाद भण्डारीले जानकारी दिनुभयो ।

पीडितलाई आरोपितले ०७७ कात्तिक १४ गते बोक्सी आरोप लगाएको भन्दै पीडित पक्षले ०७७ कात्तिक १५ गते इलाका प्रहरी कार्यालय तुलसीपुरमा उजुरी दिएका थिए ।

प्रहरीले आरोपितलाई कात्तिक १५ गते  गिरफ्तार मुद्दा चलाएको थियो ।

जयनारायण पुन