समाचारहरू

५५ वर्षीया महिलालाई कथित बोक्सीको आरोपमा कुटपिट गरी अभक्ष कोच्याउनेलाई प्रहरीले फागुन ३ गते गिरफ्तार गरेको छ ।

कथित बोक्सी आरोपमा कुटपिट गरी अभक्ष कोच्याउने बुढीगङ्गा गाउँपालिका-७ की ५० वर्षीया पारो माझीलाई अनुसन्धानका लागि ०८० फागुन ३ गते बुढीगङ्गा गाउँपालिका-७ बाट गिरफ्तार गरिएको प्रहरीले जनाएको छ ।

आरोपितको घरमा अष्टजामको पुजा आयोजना गरिएको र सो पुजामा बालिएको ‘दीयो’ हराएपछि पारो माझीले बुढीगङ्गा गाउँपालिका-७ की ५५ वर्षीया महिलालाई कथित बोक्सीको आरोपमा फागुन ३ गते कुटपिट गरी अभक्ष खुवाएको सूचनापछि आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका डिएसपी रञ्जनकुमार दाहालले बताउनु भयो ।

धाँमीझाक्रीको काम गर्दै आएकी आरोपितले बोक्सीले दीयो चोरेको भन्दै कुटपिट गरी अभक्ष कोच्याएको डिएसपी दाहालले बताउनु भयो ।

आरोपितविरुद्ध पीडितले इलाका प्रहरी कार्यालय, हरैँचामा फागुन ३ गते किटानी उजुरी दिएको प्रहरीले जनाएको छ ।

इलाका प्रहरी कार्यालय, बेलबारीका इन्स्पेक्टर तेजबहादुर दाहालले आरोपितविरुद्ध प्रहरीले बोक्सी आरोप मुद्दामा अनुसन्धान सुरु बताउनु भएको छ ।

विनोद सुवेदी