समाचारहरू

चक्रघट्टा गाउँपालिका–३ सुन्दरपुर की ४७ वर्षीया फतिमा खातुनलाई कथित बोक्सीको आरोपमा सोही ठाउँका ३६ वर्षीय आरिफ राजा मन्सुरी र उनकी ३३ वर्षीया पत्नी जिना खातुनले कुटपिट गरेको आरोपमा पीडित पक्षले जिल्ला प्रहरी कार्यालय मलङ्गवामा ०८० भदौ २६ गते उजुरी दिनु भयो ।

आरोपितहरूले पीडितलाई भदौ १६ गते बोक्सीको आरोपमा गाली गलौज तथा दुर्व्यवहार गर्नुको साथै कुटपिट समेत गरेको पीडित खातुनले बताएकी छिन् । कानुनी प्रक्रियामा अघि बढेपछि वडा तथा न्यायीक समितिमा मिलापत्र गर्न चक्रघट्टा गाउँपालिका–१ का वडा अध्यक्ष ४६ वर्षीय रामसुरेश राय र आरोपित पक्षले भदौ २७ गते दबाब समेत दिएको पीडित खातुनले बताएकी छिन् ।

कुटपिटबाट घइते भएकी पीडितको उपचार भदौ १७ गतेदेखि १८ गते साँझसम्म जिल्ला अस्पताल मलङ्गवामा भयो । साथै उनको घाउ जाँच पुनः भदौ २७ गते जिल्ला अस्पतालमा भयो ।

घटना बारे अनुसन्धान गरी दोषी उपर कानुन बमोजिम कारबाही गर्ने जिल्ला प्रहरी कार्यालयका डिएसपी दिपेन्द्र पंजियार थारुले जानकारी दिनु भयो ।

बुधन साह