समाचारहरू

कथित बोक्सी घटनाको आरोपमा फरार रहेका राजगढ गाउँपालिका–२ का २५ वर्षीय रामबिलास यादवलाई सप्तरी प्रहरीले फागुन २ गते गिरफ्तार गरेको छ ।

खोजतलासको क्रममा ११ वर्षदेखि ‘फरार’ रहेका आरोपित यादवलाई उनकै गाउँघरबाट गिरफ्तार गरिएको जिल्ला प्रहरी कार्यालयका एसपी अविनारायण काफ्लेले बताउनु भयो ।

एसपी काफ्लेका अनुसार गिरफ्तार आरोपित यादवलाई फागुन २ गते सप्तरी जिल्ला अदालतमा उपस्थित गराइएको र कैद भुक्तानको लागि राजविराज कारागार पठाइएको प्रहरीले जनाएको छ ।

कथित बोक्सी भन्दै कुटपिट तथा गालीगलौज गरेको भन्दै राजगढ गाउँपालिका–२ की ४० वर्षीया सरस्वतीदेवी खङ्गले जिल्ला प्रहरी कार्यालयमा उजुरी दिनु भएको थियो ।

आरोपित यादवलाई कसुर ठहर गर्दै सप्तरी जिल्ला अदालतले ०६७ माघ १८ गते ३ महिना कैद सजाय र १० हजार रुपियाँ जरिबाना फैसला गरेको थियो ।

यस्तै तत्कालिन पुनरावेदन अदालत राजविराजको इजलासले ०७१ मङ्सिर २९ गते सो फैसला सदर गरेको थियो ।

मनोहरकुमार पोखरेल