कथित बोक्सीको आरोपमा कुटपिट, घटनाका आरोपित गिरफ्तार

 

कैलारी गाउँपालिका — २ की ३७ वर्षीया भागरती चौधरीलाई कथित बोक्सी भएको आरोपमा फागुन २९ गते कुटपिट गरी घाइते बनाएको भन्दै सोही ठाउँका ५० वर्षीय राजकुमार चौधरी र २८ वर्षीय  राजु चौधरीलाई प्रहरी फागुन ३० गते गिरफ्तार गरेको छ ।

बोक्सी भएको आरोपमा छिमेकीहरूले आफूमाथि कुटपिट गरिएको  भन्दै पीडित महिलाले फागनु ३० गते जिल्ला प्रहरी कार्यालय,कैलालीमा उजुरी दिएपछि आरोपितद्वयलाई गिरफ्तार गरी पाँच दिनको म्याद थप गरी अनुसन्धान भइरहेको जिल्ला प्रहरी कार्यालय,कैलालीका डिएसपी दक्षकुमार बस्नेतले बताउनु भयो ।

पीडित महिलाको शरीरमा समान्य घाउचोट लागेकोले सेती प्रादेशिक अस्पतालमा फागुन ३० गते स्वास्थ्य उपचार गरिएको डिएसपी बस्नेतले बताउनु भयो ।

 


मैनामोती चौधरी