एम्बुलेन्स सेवाको व्यवस्था नहुँदा बिरामीलाई समस्या
जिल्लाका ६ ओटा स्थानीय तहमा एम्बुलेन्स नहुँदा यस क्षेत्रका गम्भीर प्रकृतिका बिरामीहरूले समस्या भोग्नुपरेको छ ।
नलगाड नगरपालिका, छेडागाड नगरपालिका, बारेकोट गाउँपालिका, कुशे गाउँपालिका, जुनिचाँदे गाउँपालिका र शिवालय गाउँपालिकामा एम्बुलेन्स नहुँदा बिरामीलाई अस्पताल लैजान समस्या हुने गरेको हो ।
जिल्ला सदरमुकाममा रहेको जिल्ला अस्पतालसम्म पुग्न पनि स्थानीयतहबाट लामो दुरी रहेकाले स्थानीय सरकारसँग एम्बुलेन्सको माग गरेको छेडागाड नगरपालिकाका स्थानीय नरबहादुर खत्रीले बताए ।
नगरपालिकाका सबै स्थानहरूमा सडक विस्तार भइसकेको भएपनि एम्बुलेन्सको व्यवस्था नभएका कारण बिरामीले समयमा उपचार नपाएर ज्यान जोखिममा जाने अवस्था रहेको खत्रीले दुखेसो पोखे ।
नगरपालिकाले एम्बुलेन्स खरिद गर्नका लागि गत वर्षकै नगरसभाबाट निर्णय गरिसकेर एम्बुलेन्स खरिदका लागि कोटेशन माग गरेकामा प्रक्रिया पुरा हुन नसकेको भन्दै केही समय रोकिएको र आगामी केही महिना भित्रैमा एम्बुलेन्स खरिद प्रक्रिया अगाडि बढाउने छेडागाड नगरपालिकाका प्रमुख प्रशासकीय अधिकृत झलक केसीले बताए ।
त्यसैगरी शिवालय गाउँपालिकाबाट एम्बुलेन्सको आवश्यकतालाई मध्यनजर गर्दै एम्बुलेन्स खरिद गर्नका लागि निर्णय गरिसकेको र यस आर्थिक वर्षमा प्रक्रिया पुरा गरी एम्बुलेन्स ल्याउने तयारीमा रहेको कुशे गाउँपालिकाका अध्यक्ष नरेन्द्र शाहीले बताए ।
गाउँपालिकाले प्रदेश र केन्द्र सरकारसँग एम्बुलेन्स खरिद गर्नका लागि आग्रह गरेको कुशे गाउँपालिका अध्यक्ष हरिशचन्द्र बस्नेतले बताए ।
जुनिचाँदे गाउँपालिकाका सबै स्थानहरूमा सडक सञ्जाल विस्तार भइनसकेको हुँदा सबै क्षेत्रमा सडक सञ्जाल विस्तार गरेर मात्रै एम्बुलेन्स खरिद गर्ने गाउँपालिका अध्यक्ष कृष्ण केसीले बताए ।
स्थानीय सरकारले एम्बुलेन्स सेवा दिन नसक्दा गम्भीर बिरामी तथा दुर्घटनाका घाइतेहरूले समयमै उपचार नपाएर अकालमै ज्यान गुमाउनु पर्ने बाध्यता रहेको छ ।
एम्बुलेन्स सुविधा नहुँदा जिल्लाका बिरामीलाई उपचारका लागि स्वास्थ्य संस्थामा लैजाँदा अझैपनि बोक्नुपर्ने बाध्यता रहेको छ ।
दिनेशकुमार श्रेष्ठ
सम्बन्धित समाचारहरू
ज्येष्ठ नागरिकहरू सामाजिक सुरक्षा भत्ताबाट वञ्चित
स्थानीय सरकार सञ्चालन ऐन, २०७४ मा ज्येष्ठ नागरिकहरूको सहारा र गरिबी निवारणका लागि सामाजिक सुरक्षा र गरिबी निवारण सम्बन्धी स्थानीय सामाजिक सुरक्षा योजना र व्यवस्थापनको सुनिश्चित गरिएको छ । तर,…
कोशी प्रदेशका कारागारमा क्षमताभन्दा बढी कैदीबन्दी, सुधारगृह हुन सकेनन् कारागार
अदालत वा न्याय निरूपण गर्ने निकायबाट कसुरदार ठहर भएका व्यक्तिहरूलाई सजायसँगै सुधारका लागि राज्यले कारागारलाई सुधारगृह भनेपनि कोशी प्रदेशका अधिकांश जिल्लाका कारागार सुधारगृहका रूपमा रूपान्तरण हुन सकेका छैनन् । कारागारमा…
बलात्कारपछि हत्या घटनाका आरोपित गिरफ्तार
अमरगढी नगरपालिका–७ पोखराकी १४ वर्षीया बालिका आरती भट्टराईलाई ०८१ असोज २५ गते बलात्कार गरी हत्या गरेको आरोपमा प्रहरीले सोही ठाउँका ५८ वर्षीय टेक भण्डारीलाई असोज २६ गते गिरफ्तार गरेको छ…
भिडियो एक्सरे मेसिन नबनाउँदा बिरामीलाई सास्ती
जिल्ला अस्पताल तेहृथुममा भिडियो एक्सरे मेसिन बिग्रिएको र मर्मत सम्भार नगरिँदा बिरामी तथा सेवाग्राहीहरूले सास्ती खेप्नु परेको छ । अस्पताल प्रशासनले एक्सरे मेशिन बिग्रिएको र दशैँमा मर्मत नहुुने भन्दै सार्वजनिक…
इन्सेकद्वारा जिल्ला कारागारको अनुगमन
अनौपचारिक क्षेत्र सेवा केन्द्र (इन्सेक) ले असोज २६ गते जिल्ला कारागारको अनुगमन गरेको छ । अनुगमनका क्रममा इन्सेककर्मीसँग कैदीबन्दीहरूले परिवारजनसँग भेटघाट गरी टीका लगाउने र खानपिन गर्न पाउने प्रबन्ध गरको…
