समाचारहरू

सभापोखरी गाउँपालिकाका एम्बुलेन्स चालकमाथि कुटपिट गरिएको छ ।

सभापोखरी गाउँपालिकाका-६ का २९ वर्षीय एम्बुलेन्स चालक आइतबहादुर राईमाथि मङ्सिर १९ गते कुटपिट गरिएको हो ।

एम्बुलेन्स प्रयोगको राजश्व उठाउने क्रममा सभापोखरी गाउँपालिका-६ का २२ वर्षीय पर्वत राई र सोही ठाउँका २४ वर्षीय समीर राईले ०८१ मङ्सिर १९ गते कुटपिट भएको पीडितको आरोप छ ।

गाउँपालिकाका एम्बुलेन्स चालकलाई सभापोखरी गाउँपालिका-६ स्थित नयाँबस्ती नजिकै कुटपिट भएको गाउँपालिका उपाध्यक्ष लक्ष्मी चापागाईँले बताउनु भयो ।

कुटपिटबाट घाइते चालकको स्थानीय स्वास्थ्य संस्थामा उपचार भइरहेको छ ।

एम्बुलेन्स चालकमाथि कुटपिट भएपछि कर्मचारीहरूले विज्ञप्ति जारी गरी घटनाको विरोध गरेका छन् ।

पीडित पक्षले कुटपिट घटनाका आरोपितविरूद्ध जिल्ला प्रहरी कार्यालयमा उजुरी नदिएको इन्स्पेक्टर रामकुमार लामिछानेले बताउनु भयो ।

मानव अधिकार रक्षकसम्बन्धी घोषणापत्र सन् १९९८ ले एम्बुलेन्स चालकलाई मानव अधिकार रक्षक भनि परिभाषित गरेको छ ।

भविन कार्की