समाचारहरू

शैल्यशिखर नगरपालिका-४ रानिशिखरमा एमाले वडा अध्यक्ष पदका उम्मेदवार धनीदत्त भट्टलाई आक्रमण गर्न गएका चार जना काङ्ग्रेस कार्यकर्तालाई प्रहरीले गिरफ्तार गरेको छ ।

असार १२ गते राति साढे ११ बजे घरेलु हतियारसहित आक्रमणमा गर्न गएका काङ्ग्रेस कार्यकर्ता अर्जुन महर, दत्तु महर, गङ्गाराम महर र गोपालराम महरलाइ प्रहरीले घटनास्थलबाटै गिरफ्तार गरेको हो ।

उनीहरूलाई प्रहरीले घट्नास्थलबाटै घरेलु हतियार चक्कु, लठ्ठीसहित गिरफ्तार गरिएको मालिकार्जुन मावि काडापारी मतदान केन्द्रमा खटिएका प्रहरी असई विक्रम भुषाले जानकारी दिए । उनीहरूको आक्रमणबाट एमाले उम्मेदवार भट्टका छोरा देवीदत्त भट्ट सामान्य घाइते भएका छन् । भट्टको घुडामा चक्कु प्रहार भएको छ ।

एक ठाउँबाट अर्को ठाउँमा गएर काङ्ग्रेस कार्यकर्ताले उम्मेदवारमाथि आक्रमण गर्ने प्रयास गरेको देखिएको असई भुषालले बताए । 'उनीहरूलाइ नियन्त्रणमा लिएर घटनाबारे अनुसन्धान भइरहेको छ ।'-उनले भने ।

यस्तै घटनाको थप अनुसन्धानको लागि इलाका प्रहरी कार्यालय गोकुलेश्वरबाट इन्स्पेक्टर बोधराज ओझाको टोली रानिशिखर गएको छ । घटनाबारे असार १३ गते सर्वदलीय बैठक पनि आह्वान गरिएको भुषालले बताए ।

नरेन्द्रसिंह कार्की