एमाले र काङ्ग्रेसका कार्यकर्ताबीच झडप

  ०७९ वैशाख २३ गते

सिम्ता गाउँपालिकामा नेकपा एमाले र नेपाली काङ्ग्रेसका कार्यकर्ताबीच वैशाख २२ गते राती ११ बजे झडप भएको छ । काङ्ग्रेसका तर्फबाट गाउँपालिकाको वडा नंम्बर ६ को वडाअध्यक्ष पदका उम्मेदवार उपेन्द्र सिंहमाथि आक्रमण गरेको प्रदेश प्रहरी कार्यालय कर्णाली प्रदेशका निमित्त प्रमुख (एसएसपी) राजेशनाथ बास्तोलाले जानकारी दिनुभयो ।

सिम्ताको राकमस्थित कांग्र्रेसका वडाअध्यक्ष उम्मेदवार सिंहको टोली स्थानीय मोहन मल्लको होटलमा बसेको अवस्थामा राजनीतिक प्रतिशोधको आधारमा एमालेका कार्यकर्ताको समूहले आक्रमण गरेका हुन् ।

आक्रमणमा परेर वडाअध्यक्षका उम्मेदवार सिंह सहित उनका समर्थक सुरज सिंह ठकुरी घाइते भएका छन् । अवस्था सामान्य रहेको प्रहरीको भनाई छ ।

कांग्रेस कार्यकर्ताले आफ्नो कार्यकर्तामाथि आक्रमण गरेको आरोपमा ५०÷६० जनाको हुलमा आएका एमाले कार्यकर्ताले आक्रमण गरेका थिए । प्रहरीले अवस्था नियन्त्रणमा लिन दुई सेल अश्रु ग्याँस फायर गरेको थियो ।


पूर्णबहादुर खड्का