समाचारहरू

हुप्सेकोट गाउँपालिकामा नेकपा एमाले र कांग्रेस कार्यकर्ताबिच झडप हुदाँ चार जना घाइते भएका छन् ।

हुप्सेकोट गाउँपालिका–१ मा वैशाख २० गते राति भएको झडपमा कांग्रेसबाट गाउँपालिका अध्यक्षको उम्मेदवार लक्ष्मी पाण्डे र एमालेका तीन जना कार्यकर्ता घाइते भएको जिल्ला प्रहरी कार्यालय नवलपरासी पूर्वका डिएसपी सन्तोष पाठकले बताउनुभयो ।

झडपको क्रममा घाइते भएका एमाले कार्यकर्ता हुप्सेकोट गाउँपालिका–१ बलेवाका ३२ वर्षीय मनोज गुरुङ, २३ वर्षीय हरि के.सी र ४० वर्षीय चुडाबहादुर शेरपुजाको अहिले चितवन स्थित चितवन मेडिकल कलेजमा उपचार भइरहेको उहाँले बताउनुभयो ।

गाउँपालिका अध्यक्ष पदका उम्मेदवार पाण्डे वैशाख २१ गते बिहान कावासोती स्थित कालिगण्डकी अस्पतालमा उपचारको लागि भर्ना हुनुभएको छ ।

घटनाको विषयमा एमाले र कांग्रेसले एकअर्कोलाई दोषारोपण गरिरहेका छन् ।

कांग्रेस जिल्ला सभापति महेन्द्रध्वज जि.सी. र एमाले जिल्ला पार्टी कार्यालय सचिव भिमलाल कण्डेलले छुट्टाछुट्टै विज्ञप्ती मार्फत घटनामा एकअर्को पार्टी दोषि रहेको आरोप लगाएका छन् ।

झडपको क्रममा गाउँपालिका अध्यक्ष पदका उम्मेदवार पाण्डेले प्रयोग गर्ने ग ३ च १६०६ नम्वर को गाडीमा समेत तोडफोड भएको छ ।

घटनाको विषयमा अनुसन्धान भइरहेको डिएसपी पाठकले बताउनुभयो ।

तिर्थराज डुम्रे