एमाले कार्यकर्ताबाट पत्रकारमाथि दुर्व्यवहार गरेको आरोप

 

नयाँ एफएममा कार्यरत पत्रकार विक्रम पाण्डेमाथि नेपाल कम्युनिष्ट पार्टी(एमाले) का कार्यकर्ताले असार १० गते क्यामरा खोसेर दुर्व्यवहार गरेको पीडित पाण्डेले आरोप लगाएका छन् ।

एमाले कार्यकर्ता प्रकाश श्रेष्ठ, अमृत श्रेष्ठलगायतका कार्यकताबाट भिडियो नलिन भन्दै क्यामरा खोसेर भिडियो डिलिट गरिदिएको पीडित पाण्डेसम्वद्ध सञ्चार माध्यम नयाँ एफएमले जारी गरेको विज्ञप्तिमा उल्लेख छ ।

सन्धिखर्क नगरापाललिकाको-१२ मा एमालेको चुनावी सभाको समाचार सङ्कलन गर्न खटिएका पाण्डेले चुनावी सभाको भिडियोमार्फत प्रत्यक्ष प्रसारण गरिरहेको जनाए । एमालेको चुनावी सभा भइइरहेको ठाउँबाट काग्रेसको प्रचारप्रसारको सवारी साधन सोही बाटो हुदै गएपछि एमाले कार्यकर्ता र काङ्ग्रेसका कार्यकताबिच तनाव भएपछि तनाव भएको भिडियो 'डिलिट' गर्न भनि अभद्र व्यवहार गरेको नयाँ एफएमका स्टेशन म्यानेजर हरीप्रसाद भुसालले जानकारी दिए ।

पत्रकार माथि भएको दुर्व्यवहारको, स्वतन्त्र प्रत्रकार सङ्घ, नयाँ एफएमलगायत सञ्चार माध्यमले विज्ञप्ति प्रकाशन गरेर विरोध गरेका छन् ।

पत्रकारमाथि भएको दुर्व्यवहारको बारेमा अनुसन्धान भइरहेको सहायक प्रमुख जिल्ला अधिकारी नारायण खत्रीले जानकारी दिए ।


नारायण भुसाल