समाचारहरू

त्रिपुरासुन्दरी नगरपालिका–८ दागिनका नेपाली कांग्रेसका कार्यकर्ता ३७ वर्षीय लोकन्द्र शाहीलाई पुस ३० गते  नेकपा एमालेका कार्यकर्ता त्रिपुरासुन्दरी नगरपालिका–७ छलघरका ३५ वर्षीय किशु रोकाया, ३७ वर्षीय हिरा रोकाया, ४० वर्षीय जयलाल रोकाया, २७ वर्षीय विष केसी र ३९ वर्षीय विरसिं बुढाको कुटपिटबाट घाइते भएको पीडित पक्षको आरोप छ  ।

त्रिपुरासुन्दरी नगरपालिका–७ मा रहेको कस्तुरी आधारभुत विद्यालयमा माघी पर्वको अवसरमा आयोजना भएको भलिवल प्रतियोगितामा भलिवल खेल्ने क्रममा विवाद भएको प्रहरीले जनाएको छ ।

नेकपा एमालेका कार्यकर्ताले चिरपट दाउराले कुटपिट गरेको पीडितले पुस ३० गते प्रहरी चौकी पहाडामा दिएको  उजुरीमा उल्लेख छ । घाइते शाहीको टाएकोमा चिरपट दाउराले काटेर चोट लागेको छ ।

घाइते शाहीको उपचार जिल्ला अस्पतालमा सम्भव नदेखिएपछि नेपालगन्ज रिफर गरिएको जिल्ला अस्पतालका डाक्टर डा. अखण्ड उपाध्यायले बताउनु भयो । हवाईजहाजबाट शाहीलाई नेपालगन्ज लगिएको छ ।

भलिवल खेलिरहेको अवस्थामा एक्कासी आएर शाहीले नेट ( जाली ) थुतेपछि किन यस्तो गरेको भन्दा ढुङ्गा प्रहार गर्न थालेपछि हात हालाहालको अवस्थामा लडेर ढुङ्गामा पछारिँदा चोट लागेको नेकपा एमालेका कार्यकर्ता हिरा रोकायाको भनाई छ।

अरोपितलाई  प्रहरीले माघ २ गते गिरफ्तार गरेर जिल्ला प्रहरी कार्यालय पठाएको प्रहरी चौकी त्रिपुराकोटका सई रुद्रबहादुर शाहीले बताउनु भयो । कुटपिटका आरोपीलाई प्रहरीले माघ २ गते गिरफ्तार गरेर जिल्ला पठाएको छ । प्रहरी चौकी त्रिपुराकोटका सई रुद्रबहादुर शाहीले बताउनु भयो ।

विष्णुप्रसाद देवकोटा