एक हप्तादेखि अवरुद्ध विद्युत् सेवा सुचारु नहुँदा सेवा प्रवाह सँगै सेवाग्राहीलाई समस्या
एक हप्तादेखि अवरुद्ध विद्युत् सेवा सुचारु नहुँदा इलाका प्रशासनको सेवा प्रवाह सँगै सेवाग्राहीलाई समस्यामा भएको छ ।
छेडागाड नगरपालिका–५ स्थित चंखेलीमा स्थापना भएको इलाका प्रशासन कार्यालयमा केन्द्रिय विद्युत् प्रसारण लाइन अवरुद्ध भएपछि एक हप्ता देखि सेवा प्रवाहमा र सेवाग्राहीलाई समस्या भएको हो ।
इलाका प्रशासन कार्यालयमा विद्युत् नहुँदा वैकल्पिक सोलार समेत छैन जस्ले गर्दा प्रशासनको दैनिक काममा असहज भएको छ । छेडागाड नगरपालिका, शिवालय, जुनीचाँदे र कुशे गाउँपालिकाको १,२,३ र ४ वडाका सर्वसाधारणले जिल्ला प्रशासन कार्यालयबाट पाउने सेवा सुविधा गाउँ बस्तीबाट जनतालाई दिन केही महिना अघि स्थापना भएको इलाका प्रशासन कार्यालयमा विद्युत नभएपछि हप्ता दिनदेखि नागरिकताको प्रमाण पत्र लिन आएका सेवाग्राहीलाई समस्या भएको छ । एक दिनमा सम्पन्न हुने काम हप्ता दिनसम्म नहुँदा सर्वसाधारणलाई समस्या भएको हो ।
इलाका प्रशासन कार्यालय प्रमुख सत्यदेव खनालका अनुसार केन्द्रिय प्रसारण लाइनको विद्युत सेवा अवरुद्ध भएपछि वैकल्पिक सोलारको व्यवस्था नहुँदा नेपाली नागरिकताको प्रमाण पत्रका लागि एक सय ४० जनाका फाइल थन्किएको बताउनुभयो । विद्युत् नहुँदा वैकल्पिक सोलार व्यवस्थापन नभएका कारण काम ढिला भएको छ । छेडागाड नगरपालिका, जुनीचाँदे कुशे, शिवालय गाउँपालिकाका सर्वसाधारण सवारी साधनमा महंङ्गो भाडा तिरेर सदरमुकाम आएर प्रशासनको सेवा लिने गरेका थिए । सरकारले प्रशासनबाट पाउने सेवा गाँउबस्तीबाट पाउन भन्ने लक्ष्यले स्थापना भएको इलाका प्रशासन कार्यालयमा विद्युत् काे वैकल्पिक व्यवस्था नभएपछि सेवा प्रवाहमा समस्या भएको हो ।
केन्द्रिय विद्युत् प्रसारण लाइन बिग्रिएपछि नागरिकताको प्रमाण पत्र लिन आएका नागरिक समस्यामा परेको छन् । छिटोछरितो जनतालाई सेवा दिने इच्छा भएपनि आधुनिक प्रविधिको युगमा हातले लेखेर सम्भव नहुने भएपछि सेवा पाउन नसकेको प्रमुख खनालको भनाइ छ ।
छेडागाड नगरपालिका–१२ का प्रेम बहादुर खत्रीले एक हप्ता देखि सरकारी कार्यालयम आएको काम हुन नसकेको गुनासो गर्नुभयो । सरकारले इलाका प्रशासन कार्यालयबाट प्रदान हुने सेवालाई नियामित गर्न वैकल्पिक स्रोत साधनको व्यवस्थापन नगरेपछि जनताले दुख पाउने गरेका छन् । बिहान घरबाट सेवा लिन आएका सर्वसाधारण विद्युत् काे आशमा बस्ने गरेका छन् । सेवाग्राहीको समस्या समाधानको व्यवस्था मिलाउन सम्बन्धित सरोकारवाला निकायलाई आग्रह गर्नु भयो ।
बासुदेव शर्मा
सम्बन्धित समाचारहरू
हत्या घटनाका आरोपित नन्देभाइ गिरफ्तार
माडी नपा-७ देवेन्द्रपुरकी ७१ वर्षीया विष्णुमाया रानाभाटलाई खुर्पा प्रहार गरी हत्या गरेको आरोपमा प्रहरीले माडी नपा-७ का ६२ वर्षीय नन्देभाइ (नन्दका पति) टीकाराम रानाभाटलाई असोज २६ गते गिरफ्तार गरेको छ…
बलात्कार घटनाका आरोपित गिरफ्तार
अपाङ्गता हुनुभएकी १९ वर्षीया युवतीलाई बलात्कार गरेको आरोपमा चामुण्डाबिन्द्रासैनी नगरपालिका–५, जम्बुकाँधका २१ वर्षीय रमेश सावदलाई प्रहरीले ०८१ असोज २७ गते गिरफ्तार गरेको छ । पीडित युवतीलाई आरोपितले असोज २३ गते…
कोशी प्रदेशमा रहेका अधिकांश बर्थिङ्ग सेण्टर प्रभावकारी छैनन्
बर्थिङ्ग सेण्टर सञ्चालनका लागि प्रसूति गर्ने तालिम प्राप्त कर्मचारीलाई आवासीय व्यवस्थादेखि उपकरणहरु सबै उपलब्ध हुनु पर्छ । तर, कोशी प्रदेशका विभिन्न जिल्लामा रहेका बर्थिङ्ग सेण्टर सुविधा सम्पन्न र प्रभावकारी नभएको…
ज्येष्ठ नागरिकहरू सामाजिक सुरक्षा भत्ताबाट वञ्चित
स्थानीय सरकार सञ्चालन ऐन, २०७४ मा ज्येष्ठ नागरिकहरूको सहारा र गरिबी निवारणका लागि सामाजिक सुरक्षा र गरिबी निवारण सम्बन्धी स्थानीय सामाजिक सुरक्षा योजना र व्यवस्थापनको सुनिश्चित गरिएको छ । तर,…
कोशी प्रदेशका कारागारमा क्षमताभन्दा बढी कैदीबन्दी, सुधारगृह हुन सकेनन् कारागार
अदालत वा न्याय निरूपण गर्ने निकायबाट कसुरदार ठहर भएका व्यक्तिहरूलाई सजायसँगै सुधारका लागि राज्यले कारागारलाई सुधारगृह भनेपनि कोशी प्रदेशका अधिकांश जिल्लाका कारागार सुधारगृहका रूपमा रूपान्तरण हुन सकेका छैनन् । कारागारमा…
