समाचारहरू

महोत्तरीको बर्दिबासमा एक बालकलाई ६ घण्टासम्म नियन्त्रणमा लिइ निर्ममतापुर्वक कुटपिट गरेको घटना सार्वजनिक भएको छ ।

बर्दिबास–१२ बस्ने १४ वर्षीय इन्द्रजित कुमार महतोलाई माघ २२ गते सोही ठाउँका रन्जित महतोको घरमा राखेको माटोको खुत्रुकेमा जम्मा गरेको पैसा चोरी गरेको आरोपमा १८ वर्षीय रन्जित महतो र उनका साथीहरू १८ वर्षीय सन्जित महतो, २० वर्षीय हरि महतो, १९ वर्षीय रामजन्म महतो, २० वर्षीय सुशील महतो र २१ वर्षीय रन्जित चौधरीले माघ २३ गते ६ घण्टासम्म नियन्त्रणमा लिइ निर्ममतापूर्वक कुटपिट गरेको जानकारी पीडित परिवारले इन्सेक महोत्तरी जिल्ला प्रतिनिधि अजयकुमार साहलाई गराएको छ ।

स्थानिय प्रत्यक्षदर्शीका अनुसार युवाहरूले बालकलाई बाइकमा पछाडी राखेर आरोपित मध्येका सन्जित महतोको घरमा पु¥याएर ६ घण्टासम्म यातना दिएको हो । माघ २३ गते झण्डै १२ बजे नियन्त्रणमा लिएर बेलुका ६ बजेमात्र उनिहरूले छाडेको पिडित बालक इन्द्रजित महतोले बताए ।

बालक इन्द्रजितले भने, ‘मलाइ बाइकमा राखेर सन्जित महतोको घरमा पु¥याए अनि डोरीले दुबै हात बाधेर झुण्ड्याएर कुटपिट गरे । खुकुरी देखाए, पैतालामा तारले कुटे, म रुदै चिच्याउँदै गर्दा पनि छोडेनन् ।’

पिडित बालकको पैतालामा सिर्कनाले हानेको अझै निलडाम देख्न सकिन्छ । हिडडुल गर्न समेत समस्या भइरहेको अवस्थामा उनी विद्यालय समेत जान सकेका छैनन् ।

गाउँ कै एक विद्यालयमा कक्षा–६ मा अध्ययनरत पिडित बालकलाई चोरी भएको जबर्जस्ती स्विकार गर्न निक्कै यातना दिएको उनको घाउ र निलडामबाट प्रमाणित हुन्छ ।
बालकको पछाडी ढाडमा लठ्ठीले हानेको सुम्ला देखिन्छन भने खुट्टामा समेत गहिरो निलडाम छ । ‘मलाई पानीमा मुन्टो डुबाए अनि पैतालामा पनि असहय हुनेगरी पिटे’ इन्द्रजितले रुदै भने । ‘टाउकोमा पनि औँठी लगाएको हातले जोडले हिर्काए ।’

युवाहरूले निर्घात कुटपिट गरेर बेलुका छाडेपछि पिडित परिवारजनले गाउँमा नै रहेको सुरज बस्नेतको किल्निकमा पु¥याएर उपचार गरेका थिए ।
‘उपचारमा मात्र २ हजार खर्च भयो, आम्दानीको स्रोत केही छैन ।’ पिडित बालकका आमा कोशिला देविले भनिन् ।

कोशिला देविलाई समेत घरमा आएर युवाहरूले अभद्र व्यवहार गरेको उनले आरोप लगाएकी छिन् । घरमा आएर तथानाम गाली गरेको र घरको वरपर आक्रोश पोख्दै लात्ती बजारेको कोसिला देविले बताइन ।

पिडित बालकका बुबा भोला महतो बर्दिबास स्थित एक बेकरीमा काम गर्छन् । आफ्नो छोरालाई निर्घात कुटपिट गर्ने युवाहरूलाई कडा कारबाही र क्षतिपूर्ति तथा न्याय दिलाई दिन इन्सेक महोत्तरी प्रतिनिधि अजयकुमार साह र संचारकर्मीहरू संग पिडित परिवारले आग्रह गरेको छ ।

माघ २४ गते प्रहरी चौकी हात्तिलेटमा ३ सय दस्तुर तिरेर निवेदन दिएतापनि प्रहरीले त्यस्को खासै वास्ता नगरेको पीडित परिवारको आरोप रहेको छ भने हात्तिलेट स्थित प्रहरी चौकीका इन्चार्ज इन्द्रजित ठाकुरले घटनाको बिषयमा जानकारी भएतापनी पिडितहरू नै जाहेरी दिन नआएको बताएका छन् । इलाका प्रहरी कार्यालय बर्दिबासले पनि घटनाको बिषयमा अनभिज्ञता जनाएको छ ।

इलाका हेर्ने प्रहरी नायव उपरिक्षक रवि रावलको सरुवा भएको हुनाले नया इन्चार्ज विजय यादव आएका छन् । यादव नयाँ आएको बताउँदै घटनाको बिषयमा छानबिन गरि दोषीहरूलाई कानुनी दायरामा ल्याउने.बताउनुभयो ।
प्रहरी उपरिक्षक प्रकाश मल्लले पनि घटनाको बिषयमा जानकारी लिएर अनुसन्धान प्रक्रियालाई अगाडि बढाउने बताउनुभयो । चोरी गरेको नै भएतापनि त्यस्का कानुनी पाटाहरु हुदाहुदै कानुन हातमा लिएर कसैलाइ कुटपिट गर्न नहुने प्रहरी उपरिक्षक मल्लको भनाई रहेको छ।

अजयकुमार साह