समाचारहरू

फलेवास नगरपालिकामा बाटो खन्दै गरेको एक्जाभेटरमा अज्ञात समूहले आगो लगाएका छन् । जेठ १८ गते राति ११ बजेको समयमा फलेवास नगरपालिका-५ खानीगाउँमा सडकमा रोकेको कुश्मा कन्ट्रक्सन प्रालिको एक्जाभेटरमा आगजानी भएको हो ।

पेट्रोल खन्याएर एक्जाभेटरमा आगो लगाइएको पाइएको प्रहरीले जनाएको छ । आगालागीबाट एक्जाभेटर पूर्ण रूपमा क्षति भएको छ । फलेवास नगरपालिकाका प्रमुख पदमपाणी शर्माले राति ११ बजे अज्ञात व्यक्तिहरूबाट आगलागी भएको जानकारी दिए ।

जैमिनीघाटबाट बाटो चक्लाबन्दी गर्दै झकलाकसम्म पुगेर रोकिराखेको एक्जाभेटरमा आगो लगाइएको हो । फलेवास नगरपालिकाले प्रदेश राजधानीसम्म जोड्न फलेवासबाट सडकलाई ११ मिटर फराकिलो बनाउने कार्य भइरहेको छ ।

सन्तोष थापा